فوتو: سپورت جانە دەنە شىنىقتىرۋ ىستەرى كوميتەتى
جارىستىڭ سوڭعى كۇنى قازاقستاننىڭ جاس شاحماتشىلارى 10 مەدال جەڭىپ الدى ونىڭ 2-ءى – التىن (ەلناز قالياحمەت پەن دانيال ساپەنوۆ).
«وسى جىل شاحمات سۇيەر قاۋىمدى جاعىمدى جاڭالىقتارىمەن قۋانتۋدى جالعاستىرىپ جاتىر. بىزدە رەكوردتىق مەدال سانى بار, ونىڭ كوپشىلىگىن جاپ-جاس بالالار جەڭىپ الدى. جاستار اراسىنداعى راپيد جانە بليتس بويىنشا الەم چەمپيوناتىندا دا وسىنداي ناتيجەگە قول جەتىپ, سپورتشىلارىمىزدى ماقتان تۇتۋىمىزعا جاڭا سەبەپ پايدا بولدى. ءبىزدىڭ قورجىنىمىزدا 10 مەدال بار. شاحماتشىلاردى, ولاردىڭ جاتتىقتىرۋشىلارى مەن اتا-انالارىن وسىناۋ تاماشا ناتيجەمەن قۇتتىقتايمىن. بۇل ۇلكەن سپورتتىق ساپاردىڭ باسى عانا ەكەنىنە كامىل سەنەمىن»,دەدى قازاقستان شاحمات فەدەراتسياسىنىڭ پرەزيدەنتى تيمۋر تۋرلوۆ.
ايتا كەتەيىك, U14–U18 جاستار اراسىنداعى راپيد پەن بليتس بويىنشا الەم چەمپيوناتىنا 36 ەلدىڭ 320-عا جۋىق جاس شاحماتشىسى قاتىسقان. قاتىسۋشىلاردىڭ اراسىندا 1 گروسسمەيستەر (GM), 4 حالىقارالىق شەبەر (IM), ايەلدەر اراسىنداعى 1 حالىقارالىق شەبەر (WIM), 37 فيدە شەبەرى (FM) جانە ايەلدەر اراسىنداعى 16 فيدە شەبەرى (WFM) بار.
KazChess/قازاقستان شاحمات فەدەراتسياسىنا 16 جاس شاحماتشى وكىلدىك ەتەدى. چەمپيوناتتى قابىلداۋشى ەل (115) جانە ونىڭ ەۋروپالىق كورشىلەرى عانا – حورۆاتتار (33), پولياكتار (22) مەن سلوۆاكتار (19) كوبىرەك قاتىسۋشى جىبەردى.
14–15 جەلتوقساندا جارىسقا قاتىسۋشىلار 15+10 راپيدتە شۆەيتساريالىق جۇيە بويىنشا 11 تۋر ويناپ, جۇلدەگەرلەردى انىقتادى. قازاقستان شاحماتشىلارى 3 كۇمىس جانە 3 قولا مەدال جەڭىپ الدى.
