ۇلتتىق بانك جاڭا كوللەكتسيالىق مونەتالارىن ۇسىندى

ايتا كەتەيىك, كوللەكتسيالىق مونەتالار 2024 جىلعى 20 جەلتوقساننان باستاپ قۇب-تىڭ ينتەرنەت دۇكەنى kazcoins.nationalbank.kz ارقىلى ساتىلادى.

SHYMBULAQ مونەتاسى ەلىمىزدىڭ تابيعات سۇلۋلىعى مەن بايلىعىن دارىپتەۋگە ارنالعان «قازاقستاننىڭ ءىنجۋ-مارجاندارى» سەرياسىن باستايدى. ونىڭ اياسىندا تاۋلار مەن شاتقالداردى, سۋ ايدىندارى مەن باسقا دا تابيعي نىسانالاردى قوسا العاندا, ءارتۇرلى تابيعي كورىكتى جەرگە ارنالعان مونەتالار شىعارىلادى. SHYMBULAQ مونەتاسىنىڭ ديزاينىندا پەتروگليفتەرمەن جانە «ساقتار ءستيلى» ەلەمەنتتەرىمەن قورشالعان «شىمبۇلاق» تاۋ شاڭعى كۋرورتى مەن شاڭعىشى بەينەلەنگەن قازاقستان كارتاسىنىڭ ستيلدەندىرىلگەن كونتۋرى بەرىلگەن. مونەتانىڭ تومەنگى وڭ جاق بۇرىشىندا «شىمبۇلاق» كۋرورتىنىڭ گەوگرافيالىق كوورديناتتارى بەلگىلەنگەن.

مونەتالار ءتۇرلى-ءتۇستى باسپا جانە ينتەرفەرەنتسيالىق قۇبىلمالى قابات تەحنولوگياسىن قولدانا وتىرىپ, 925 سىنامدى كۇمىستەن دايىندالعان. مونەتانىڭ ماسساسى – 31,1  گرامم, كولەمى – 45ح30 مم, دايىنداۋ ساپاسى – «رrووf», نومينالى – 1 000 تەڭگە, دايىنداۋ تارالىمى – 1 000  ء(بىر مىڭ) دانا.

ال, TULPAR – جاڭا «كوشپەلىلەردىڭ اڭىزدارى مەن ميفتەرى» سەرياسىنىڭ العاشقى مونەتاسى. سەريا قازاقستان حالقى مەن ەلدىڭ قوناقتارىن مادەني اعارتۋ ماقساتىندا جاسالعان. TULPAR – تۇركى ميفولوگياسىنداعى اڭىزعا اينالعان قاناتتى تۇلپار. ول – تەڭدەسسىز جىلدامدىق, كۇش-قۋات, ەركىندىك پەن شابىت سيمۆولى. ول كوپتەگەن تۇركى حالىقتارىنىڭ مادەنيەتىندە فولكلور مەن ەپوستاردا ماڭىزدى ورىن الادى.

التىن جالاتۋ تەحنولوگياسىن قولدانا وتىرىپ, 925 سىنامدى كۇمىستەن دايىندالعان. مونەتانىڭ ماسساسى – 31,1 گرامم, ديامەترى – 38,61 مم, دايىنداۋ ساپاسى – black-proof, نومينالى – 1 000 تەڭگە, دايىنداۋ تارالىمى – 1 000 ء(بىر مىڭ) دانا.

كوللەكتسيالىق مونەتالار قر-نىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمدەردىڭ بارلىق ءتۇرى بويىنشا قابىلداۋعا, سونداي-اق ەلدىڭ بارلىق بانكىندە بانك شوتتارىنا ەسەپكە الۋعا, اۋدارۋعا, ۇساقتاۋعا جانە ايىرباستاۋعا جاتادى.