فوتو: sknews.kz
بيىلعى كەزەڭنىڭ قورىتىندىسى بويىنشا وتاندىق مۇناي وڭدەۋ سالاسى ءونىمنىڭ نەگىزگى تۇرلەرى بويىنشا وڭ سەرپىندى كورسەتىپ جاتىر. وتىندى اكەتۋگە ەنگىزىلگەن شەكتەۋلەر ىشكى نارىقتى تۇراقتى قامتاماسىز ەتۋگە ىقپال ەتەدى.
اۆتوبەنزين ءوندىرىسى 4,9 ملن توننانى قۇرادى, بۇل بىلتىرعى دەڭگەيدەن 2,1%-عا جوعارى. ديزەل وتىنىن ءوندىرۋ كولەمى دە ۇلعايىپ, 4,9 ملن تونناعا جەتكەن, بۇل وتكەن جىلدىڭ سايكەس كەزەڭىمەن سالىستىرعاندا 4,3%-عا ارتىق.
ال, اۆياوتىن ءوندىرۋ كورسەتكىشى 21,4%-عا ايتارلىقتاي ءوسىپ, 0,68 ملن توننانى قۇرادى. سونىمەن قاتار, مازۋت ءوندىرۋ كولەمى 1,8 ملن تونناعا دەيىن تومەندەگەن(وتكەن جىلدىڭ دەڭگەيىنە 85,7% – 2,1 ملن توننا). قىسقارتۋدىڭ سەبەبى مۇناي وڭدەۋ تەرەڭدىگىنىڭ 85%-دان 87%-عا دەيىن ۇلعايۋى بولعان, بۇل قايتا وڭدەلەتىن ءونىمنىڭ ساپاسىن جاقسارتۋعا جانە ءوندىرىس تيىمدىلىگىن ارتتىرۋعا مۇمكىندىك بەردى.
«مۇناي-گاز-حيميا ونىمدەرىن ءوندىرۋ كولەمى 506,1 مىڭ تونناعا جەتتى, بۇل وتكەن جىلدىڭ سايكەس كەزەڭىمەن سالىستىرعاندا 1,6 ەسە ارتىق», دەدى ەنەرگەتيكا ءمينيسترى الماسادام ساتقاليەۆ.
قابىلدانعان شارالار مۇناي ونىمدەرىنىڭ ىشكى نارىعىن تۇراقتاندىرۋعا جانە ەل ەكونوميكاسىنىڭ ستراتەگيالىق ماڭىزدى سالالارىن ۇزدىكسىز قامتاماسىز ەتۋگە مۇمكىندىك بەردى.
