جاستاردى وتانسۇيگىشتىككە, ەڭبەكقورلىققا تاربيەلەۋ, قوعامدىق-ساياسي, مادەني, ەكونوميكالىق ومىرگە دەگەن بەلسەندىلىگىن ارتتىرۋ, دارىندى جاستارعا قولداۋ كورسەتۋدى مۇرات تۇتقان بايقاۋعا 50-دەن اسا ءوتىنىش تۇسكەن ەكەن, ولاردىڭ 10-ى سىيلىق يەگەرى اتاندى. بايقاۋعا قاتىسۋشىلاردى جەزقازعان قالاسىنىڭ اكىمى ق.شايجانوۆ قۇتتىقتادى.
ء«ار سالادا ەڭبەك ەتەتىن جاستاردىڭ اراسىنان ۇزدىكتەرىن انىقتاپ, ولاردى باسقالارعا ۇلگى ەتۋ كەرەك. ماعجان اتامىز ايتقانداي, جاستارعا سەنىپ, ولاردىڭ ەڭبەكتەرىنە لايىقتى باعاسىن بەرە بىلگەن ابزال», دەدى قايرات ابدوللا ۇلى.
جاس مۇعاليما فاريزا تولەگەنوۆا – «ۇزدىك جاس ۇستاز», جەزقازعان قالاسىنىڭ مامانداندىرىلعان وليمپيادالىق رەزەرۆتەگى بالالار مەن جاسوسپىرىمدەر مەكتەبىنىڭ بوكستان وقىتۋشى-جاتتىقتىرۋشى ايدار سايدالين – «ۇزدىك جاس سپورتشى», دينارا ساعىندىقوۆا – «ۇزدىك جاس كاسىپكەر», جەزقازعان قالاسىنىڭ مەديتسينا ورتالىعىنىڭ دارىگەر-كارديولوگى ەركەناز جاڭاباي – «ۇزدىك جاس مەديتسينا قىزمەتكەرى», ءو.بايقوڭىروۆ اتىنداعى جەزقازعان ۋنيۆەر-
سيتەتىنىڭ ستۋدەنتى, «ۇزدىك 100 ستۋدەنت» رەسپۋبليكالىق بايقاۋىنىڭ جەڭىمپازى, قالا بەلسەندىسى ينابات مۇحانبەديار – «ۇزدىك ستۋدەنت», سوتقا دەيىنگى تەرگەپ-تەكسەرۋدىڭ جانە قىلمىستىق قۋدالاۋ زاڭدىلىعىن قاداعالاۋ باسقارماسىنداعى ۇلىتاۋ وبلىسى پروكۋرورىنىڭ كومەكشىسى ناۋرىزباي ەسىركەپ – «ۇزدىك جاس قۇقىق قورعاۋ قىزمەتكەرى», «حالىقتار دوستىعى مەن مادەنيەتى» ءۇيىنىڭ قويۋشى-وپەراتورى دانيار ۋليانوۆ – «ۇزدىك جاس مادەنيەت قىزمەتكەرى», ايشولپان راحمەت – «ۇزدىك جاس ۆولونتەر», جەزقازعان كەن بايىتۋ فابريكاسىنىڭ شاڭ تۇتقىش قوندىرعىلارى جانە اسپيراتسيالىق جەلى تەلىمىنىڭ سلەسار-جوندەۋشىسى قانات مۋسين «ۇزدىك جاس ءوندىرىس قىزمەتكەرى» اتاندى. ولاردىڭ بارىنە 200 مىڭ تەڭگە مولشەرىندەگى اقشالاي سىيلىق تابىستالدى.
جەزقازعان
