فوتو: استانا قالاسى اكىمدىگى
مۇنداي ايماقتاردا مۇز ايدىندارى, سلايدتار, شاعىن ارحيتەكتۋرالىق نىساندار, فوتوايماقتار جاسالىپ, شىرشالار بەزەندىرىلەدى.
سارىارقا اۋدانىندا 12 سىرعاناق پەن 4 مۇز ايدىنىن جابدىقتاۋ جوسپارلانىپ وتىر. قالالىق الاڭدا ۇلكەن سىرعاناق پەن مۇز ايدىنى, سونداي-اق مەرەكەلىك فوتوسۋرەت تۇسىرۋگە ارنالعان قولايلى تاقىرىپتىق فوتوايماقتار مەن تابيعي شىرشا ورناتىلادى.
ال بوگەنباي باتىر داڭعىلى, 43 بويىنداعى ساياباقتا تابيعي شىرشا ماڭىندا ورنالاسقان وتباسىلىق مۇز ايدىنى ىسكە قوسىلماق.
«كوكتال» ساياباعىندا ءتۇرلى جاستاعى ادامدارعا ارنالعان ەكى سىرعاناق, سونىمەن قاتار جاپپاي سىرعاناۋعا ارنالعان ۇلكەن مۇز ايدىنى جاساقتالادى.
ەسىل وزەنىنىڭ جاعالاۋىن دا ءتۇرلى دەڭگەيدەگى 8 سىرعاناق جانە وزەننىڭ ۇستىندەگى مۇز ايدىنى كەلۋشىلەردى كۇتەدى.
ا.گەرتسەن جانە وقجەتپەس كوشەلەرىنىڭ قيىلىسىندا قىسقى دەمالىستى كوڭىلدى وتكىزۋ ءۇشىن سىرعاناقتاردىڭ ءبىرىن ورناتۋ جوسپارلانعان.
بايقوڭىر اۋدانىندا نەگىزگى ويىن-ساۋىق ورىندارى مىنا مەكەنجايلاردا ورنالاسادى:
«جاستار» سارايى (رەسپۋبليكا داڭعىلى, 34) اۋماعىندا مۇز ايدىنىن, سىرعاناق جابدىقتاۋ جانە جاڭا جىلدىق شىرشا ورناتۋ جوسپارلانىپ وتىر.
ج.تاشەنوۆ كوشەسىندەگى ك.اتاتۇرىك اتىنداعى ساياباقتا مۇز ايدىنى مەن سىرعاناق ورناتىلادى.
«جازۋشىلار اللەياسى» (اباي داڭعىلى) – وسى ۋچاسكەدە سىرعاناق جابدىقتاۋ, شىرشالار, جاڭا جىلدىق ينستاللياتسيالار مەن شاعىن ارحيتەكتۋرالىق نىساندار ورناتۋ جوسپارلانعان.
ءوندىرىس ەلدى مەكەنى (اقبيداي مەن كەمەڭگەر ۇلى كوشەلەرىنىڭ قيىلىسى) – مۇندا مۇز ايدىنى مەن سىرعاناق ورناتىلادى.
كيرپيچنىي ەلدى مەكەنى (چەحوەۆ جانە جولىمبەت كوشەلەرىنىڭ قيىلىسى) – مۇز ايدىنى مەن سىرعاناق اشىلادى.
قازقالاشىق ەلدى مەكەنى (دوسمۇحامەد ۇلى كوشەسى, 6) – بيىكتىگى 2 مەتر سىرعاناق, 6 مەترلىك شىرشا بەزەندىرىلەدى.
«سمپ» ەلدى مەكەنى (كەنشىلەر كوشەسى 5, 126-كوشە) – بيىكتىگى 2 مەتر سىرعاناق جانە 6 مەترلىك شىرشا ورناتىلادى. ءدال وسىنداي سىرعاناق 126-شى كوشەدە ورناتىلادى.
قوياندى ساياجاي الابى (الاش تاسجولى) – مۇندا بيىكتىگى 4 مەتر سىرعاناق, سونداي-اق بەس مەترلىك شىرشا ورناتىلادى.
سونىمەن قاتار تسەليننىي شاعىن اۋدانىنداعى جۇبانوۆ كوشەسى, 3, 3/1, 3/2 اۋلالارىنىڭ اۋماعىندا ۇلكەن مۇز ايدىنى اشىلادى. رەسپۋبليكا داڭعىلىندا جانە ج.تاشەنوۆ كوشەسىندە جاڭا جىلدىق جارىقتاندىرۋلار ىلىنەدى.
ەسىل اۋدانىنداء داستۇرلى تۇردە ەكسپو اۋماعىندا مۇز ايدىنى, سىرعاناقتار جانە شىرشا ورناتىلادى. سونداي-اق سىرعاناق پريگورودنىي ەلدى مەكەنىندە دە اشىلادى.
جاڭا جىلدىق شىرشالار مىنا ورىنداردى بەزەندىرىلەدى: تۇركىستان كوشەسى جاعىنداعى بوتانيكالىق باق, قابانباي باتىر داڭعىلىنداعى كوپىر استىنداعى الاڭ, پريگورودنىي ەلدى مەكەنىندە (ارناساي-جاڭاداريا كوشەلەرىنىڭ قيىلىسى) جانە دوستىق كوشەسى مەن نۇرجول بۋلۆارىنىڭ قيىلىسىنداعى جاڭا الاڭ.
اكىمدىكتىڭ مالىمەتىنشە, بيىل شىرشالار التى نەگىزگى ورىندا بەزەندىرىلەدى.
الماتى جانە سارايشىق اۋداندارىندا مىنا ورىندار جابدىقتالادى:
قازاق ەلى مونۋمەنتىنىڭ الاڭىندا 2 مۇز ايدىنى, سىرعاناق جانە جاڭا جىلدىق شىرشا اشىلادى. الاڭنىڭ اۋماعى شاعىن ارحيتەكتۋرالىق نىساندارمەن, جارىق-ليۋميناتسيالىق پاننولارمەن بەزەندىرىلەتىن بولادى.
تاۋەلسىزدىك داڭعىلىنداعى وقۋشىلار سارايىنىڭ جانىندا سلايدتار, شىرشالار, شاعىن ارحيتەكتۋرالىق نىساندار, فوتوايماق جانە مۇز ايدىنى ورناتىلادى.
ترياتلون ساياباعىندا مۇز ايدىنى مەن سىرعاناق اشۋ جوسپارلانىپ وتىر.
«Sana Sport» سپورت كەشەنىنىڭ اۋماعىندا مۇز ايدىنى, شىرشا جانە شاعىن ارحيتەكتۋرالىق نىساندار ورناتىلادى.
تاعى 4 سىرعاناق تەمىرجولشىلار, ونەركاسىپ, ينتەرناتسيونالنىي جانە كۇيگەنجار تۇرعىن الاپتارىندا پايدا بولادى.
نۇرا اۋدانىندا ارنايى تاقىرىپتاعى شاعىن ساۋلەت نىساندارى ورناتىلادى, فوتوايماقتار بەزەندىرىلىپ, جەتى سىرعاناق پەن جەتى مۇز ايدىنى اشىلادى.
14 جەلتوقساندا ساعات مۇناراسىنان (تۇران داڭعىلىنىڭ جاعىنداعى ورتالىق ساياباقتىڭ اۋماعى) باستالاتىن 290 مەترلىك جەلىلىك مۇز ايدىنى اشىلادى. مۇز ايدىنىنىڭ وزىنەن بولەك, ساياباقتا شىرشا مەن تاقىرىپتىق قوندىرعىلار, سونداي-اق جارمەڭكەلەرگە ارنالعان ساۋدا پاۆيلوندارى اشىلادى.
«استانا-ارەنا» ستاديونىنىڭ ماڭىندا ەكى مۇز ايدىنى مەن ءبىر سىرعاناق ورناتىلادى. سول سياقتى ۇلكەن مۇز ايدىنى مەن سىرعاناق «زەلەنىي كۆارتال» تۇرعىن ءۇي كەشەنىنىڭ جانىندا اشىلادى. جاعالاۋ سكۆەرىندە سىرعاناق ورنالاسادى, ۇركەر ەلدى مەكەنىندە سىرعاناق پەن مۇز ايدىنى سالىنادى. بۇدان بولەك, عاشىقتار ساياباعىنىڭ اۋماعىندا, «زەلەنىي كۆارتال» تك جانىندا جانە قابانباي باتىر داڭعىلى مەن قورعالجىن تاس جولىنىڭ قيىلىسىندا جاڭا جىلدىق فوتوايماقتار اشىلادى.
سىرعاناقتار مەن مۇز ايدىندارى قىس بىتكەنگە دەيىن كەلۋشىلەرگە قىزمەت كورسەتەدى.
