سۋرەت: primeminister.kz
وبلىس اكىمىنىڭ ورىنباسارى قاليار ايتمۇحامبەتوۆ ازىق-ت ۇلىك جەتكىزۋدەگى جەرگىلىكتى قامتۋ ۇلەسىن ارتتىرۋ ءۇشىن كووپەراتسيا قۇرۋدىڭ 5 نەگىزگى باعىتى انىقتالعانىن ايتتى. ماسەلەن, «باتىس ءسۇت» اشوك بايتەرەك, تەرەكتى, ءبورلى, شىڭعىرلاۋ جانە تاسقالا اۋداندارىنداعى 12 اۋىل شارۋاشىلىعى كووپەراتيۆىنەن ءسۇت جيناۋمەن اينالىسادى.
«ورال قۇس فابريكاسى» جشس «اۋىل اماناتى» قاتىسۋشىلارىنان جۇمىرتقا الىپ, ولاردى كومپانياعا جەتكىزەدى. ول ءوز قۇس فەرماسىنىڭ ونىمدەرىن دە ساتادى. قۋاتى جىلىنا 900 مىڭ جۇمىرتقا بولاتىن قۇس فەرماسى بار نەگىزگى جوبا رەتىندە بايتەرەك اۋدانىنان «امانات-22» كووپەراتيۆى دە جۇمىس ىستەيدى.
«باتىس نىق» جشس وبلىستىڭ وڭتۇستىك اۋداندارىندا (اقجايىق, جاڭاقالا, جانىبەك, قازتالوۆ جانە بوكەي ورداسى) باعدارلاماعا قاتىسۋشىلاردان ءىرى قارا مالدى جيناپ, ونى ارنايى الاڭداردا بورداقىلاۋعا, ەت وڭدەۋ تسەحىندا قايتا وڭدەۋگە جانە «قاراشىعاناق وپەرەيتينگ ب.ۆ.» ونىمدەرىن جەتكىزۋگە نيەتتى. «رۋبەجينسكي» اشوك باعدارلاماعا قاتىسۋشىلاردان كوكونىستەر جينايدى. «شالقار قۇس» اشوك ءوز ونىمدەرىن وندىرۋمەن جانە وڭدەۋمەن اينالىسادى, ونى كومپانياعا جەتكىزەدى.
«قاراشىعاناق وپەرەيتينگ ب.ۆ.» كومپانياسىنىڭ مەردىگەرلىك ۇيىمدارىندا 10 مىڭنان استام ادام جۇمىس ىستەيدى. ولاردى تاماقتاندىرۋدى ۇيىمداستىرۋ ءۇشىن 10 ملن تەڭگەگە 2 توننا ماي, 34 ملن تەڭگەگە 679,3 مىڭ جۇمىرتقا جانە 264 ملن تەڭگەگە 131,8 توننا ەت ساتىلعان. الداعى ۋاقىتتا نەگىزگى كاسىپورىندار كومپانيانىڭ سۇرانىستارىنا سايكەس ونىمگە قاجەتتىلىكتى تولىعىمەن قاناعاتتاندىرۋدى جوسپارلاپ وتىر.
ۆيتسە-پرەمەر باتىس قازاقستان وبلىسىندا جەرگىلىكتى قامتۋ ۇلەسىن ارتتىرۋ ماقساتىندا اتقارىلىپ جاتقان جۇمىستارعا وڭ باعاسىن بەرىپ, وزگە وڭىرلەرگە دە ءىرى كومپانيالارمەن بايلانىس ورناتۋ باعىتىندا تاجىريبە الماسۋعا تاپسىرما بەردى.
