رەسپۋبليكالىق جىرشىلار بايقاۋىنا قازاقستاننىڭ بارلىق جىرشىلىق مەكتەپتەرىنەن (قىزىلوردا, ماڭعىستاۋ, الماتى, ۇلىتاۋ, قاراعاندى, اقتوبە, اتىراۋ, شىمكەنت) ۇمىتكەرلەر قاتىسادى. بايقاۋ ەكى كەزەڭنەن تۇرادى. بايقاۋدىڭ ءادىل قازىلىق القاسىنا ق. ر ەڭبەك سىڭىرگەن قايراتكەرى, پروفەسسور ا. الماتوۆ, ق. ر ەڭبەك سىڭىرگەن قايراتكەرى ە. جاڭابەرگەن, ق. ر مادەنيەت قايراتكەرى ا. كومەكوۆ, ج. سەيتوۆ, قر مادەنيەت سالاسىنىڭ ۇزدىگى اماندىق كومەكوۆتەر شاقىرىلادى.
شارانىڭ ماقساتى - قر مادەنيەت سالاسىنىڭ ۇزدىكتەرى, سىر ءوڭىرىنىڭ اقىن, جىرشى-جىراۋلارى ايبەك جاقسان ۇلى مەن ايدوس ساندىبەك ۇلىنىڭ ەسىمدەرىن جانە شىعارمالارىن جاس ورىنداۋشىلار اراسىندا كەڭىنەن ناسيحاتتاۋ.
بابا مۇرانى ناسيحاتتاۋ جانە ونىڭ دامۋىنداعى ساباقتاستىقتى قامتاماسىز ەتۋ, ورىنداۋشىلاردىڭ اراسىنان جاڭا ەسىمدەردى انىقتاۋ, ولاردىڭ كاسىبي شەبەرلىكتەرىن جەتىلدىرۋ. حالىق مۇراسىن ورىنداۋشى دارىندى جاستاردىڭ شىعارماشىلىعىنا قولداۋ كورسەتۋ, قازاقتىڭ ءداستۇرلى جىر ونەرىندەگى ماڭداي الدى شەبەر ورىنداۋشىلاردىڭ ونەرىن كەيىنگى جاس بۋىنعا ۇلگى ەتۋ, سونداي-اق, سىر ءوڭىرىنىڭ اقىن-جىراۋلارىنىڭ شىعارمالارىن ۇلىقتاپ, بۇقارا حالىق اراسىندا ناسيحاتتاۋ.
