فوتو: اشىق دەرەككوز
«شاپىراشتى» دەپ اتالاتىن تۇرعىن ءۇي الابىندا اراق-شاراپ ساتىلىمدا مۇلدەم جوق. ءۇش جىل بۇرىن اقساقالدار الكوگولدەن باس تارتۋ تۋرالى باستاما كوتەرىپتى. اعا بۋىننىڭ ۇسىنىسىن كوپشىلىك قولداپ, سودان بەرى مەرەكە كۇندەرى مەن وتباسىلىق ءىس-شارالاردى ىشىمدىكسىز اتاپ وتەدى.
«شاپىراشتى» تۇرعىن ءۇي الابى قالانىڭ شەت جاعىندا ورنالاسقان. مۇندا ءتورت جۇزدەن استام ادام تۇرادى. ازىق-ت ۇلىك دۇكەندەرىندە اراق-شاراپ مۇلدەم ساتىلمايدى. جاستاردىڭ زياندى ادەتتەن بويىن اۋلاق ۇستاۋىنا ۇلكەندەر ءدان ريزا.
«جاقسى ءسوز قازاقتا «مىناۋ قارتتارىنىڭ دەيدى, ايتاتىن وسيەتى بولماسا, جاستارىنىڭ قاسيەتى بولمايدى», دەيدى. بۇل اقساقالداردىڭ مىنا جاستارعا ۇيرەتكەن تاربيەسى عوي ەندى. اۋىلىمىزدا ەكى دۇكەن بار. ەكەۋىندە دە ىشىمدىك ساتىلمايدى», دەيدى قالا تۇرعىنى نۇرماحان بەكبوسىنوۆ.
تۇرعىنداردىڭ الكوگولدى ىشىمدىكتەن باس تارتۋىنان كاسىپكەرلەردىڭ شارۋاسىنا ەشقانداي نۇقسان كەلمەپتى. كەرىسىنشە, كوكونىس پەن جەمىس-جيدەككە سۇرانىس ارتقان. ءسۇت ونىمدەرى دە تەز ساتىلىپ كەتەدى. كوپشىلىكتىڭ سالاۋاتتى ءومىر سالتىن ۇستانۋى ۋچاسكەلىك پوليتسيا ينسپەكتورىنىڭ دا جۇمىسىن جەڭىلدەتىپتى. قازىر تۇرمىستىق زورلىق-زومبىلىق, كوشە توبەلەسى, ۇرلىق سياقتى زاڭبۇزۋشىلىق دەرەگى ازايعان.
«سوڭعى ۋاقىتتا شاپىراشتى ىقشاماۋدانىندا قۇقىقبۇزۋشىلىق مۇلدەم جوق دەۋگە دە بولادى. ءۇش جىلدان بەرى پوليتسياعا بىردە-ءبىر رەت شاقىرتۋ تۇسكەن جوق», دەيدى ۋچاسكەلىك پوليتسيا ينسپەكتورى تالعات الدياروۆ.
وسىلايشا شىمكەنتتەگى شاعىناۋدان ۇلگىلى ەلدى مەكەنگە اينالدى. تاياۋدا مۇندا 1200 ادامعا ارنالعان سپورت كەشەنى اشىلدى. وزىق ۇلگىدەگى مادەنيەت ءۇيى جانە ۇلتتىق ات سپورتىنا بەيىمدەلگەن ستاديون دا بار. قۋانتارلىعى, ىشىمدىكتەن باس تارتقان ىقشاماۋدانعا قونىس اۋدارۋشىلاردىڭ سانى جىلدان جىلعا ارتىپ كەلەدى.
