سۋرەت: primeminister.kz
كوميسسيا قۇرامىنا پارلامەنت سەناتى مەن ءماجىلىسىنىڭ دەپۋتاتتارى, عىلىم جانە جوعارى ءبىلىم مينيسترلىگى, جوو قاۋىمداستىعى, «اتامەكەن» ۇلتتىق كاسىپكەرلەر پالاتاسى وكىلدەرى جانە قوعام قايراتكەرلەرى كىردى.
وتىرىس بارىسىندا «الكەي مارعۇلان اتىنداعى پاۆلودار پەداگوگيكالىق ۋنيۆەرسيتەتى» كەاق رەكتورى لاۋازىمىنا كانديداتتار قارالدى.
1962 جىلى نەگىزى قالانعان جوعارى وقۋ ورنى ايماقتاعى جالعىز پەداگوگيكالىق ءبىلىم بەرۋ پروۆايدەرى بولىپ سانالادى جانە ءبىلىم بەرۋ جۇيەسىنە ماماندار دايارلايدى.
ۇمىتكەرلەر بىرقاتار كريتەريگە سايكەس كەلۋى كەرەك: عىلىمي دارەجەسىنىڭ بولۋى, ءبىلىم جانە عىلىم سالاسىنداعى باسشىلىق لاۋازىمداردا جۇمىس تاجىريبەسى – كەمىندە 5 جىل. عىلىمي اتاعى بار كانديداتتارعا (پروفەسسور, دوتسەنت) ارتىقشىلىق بەرىلدى.
«الكەي مارعۇلان اتىنداعى پاۆلودار پەداگوگيكالىق ۋنيۆەرسيتەتى» كەاق باسقارما توراعاسى-رەكتوردىڭ لاۋازىمىنا 3 كانديداتۋرا ۇسىنىلدى. ولار جوعارى وقۋ ورنىنىڭ الداعى 5 جىلدىق دامۋ جوسپارىن قورعادى. ناتيجەسىندە, كوميسسيا ەرجان امىربەك ۇلىنىڭ ۋنيۆەرسيتەت رەكتورى لاۋازىمىنا كانديداتۋراسىن ءبىراۋىزدان قولدادى.
«ەلىمىزدە ءبىلىم ساپاسىن ارتتىرۋ جونىندە كەشەندى شارالار قابىلدانۋدا. بۇل رەتتە ۇستازدار قاۋىمىنا ۇلكەن جاۋاپكەرشىلىك ارتىلىپ وتىر. كەلەشەكتە ەلگە قىزمەت ەتەتىن ازاماتتاردى تاربيەلەۋدە بىلىكتى پەداگوگتەردىڭ ماڭىزى ەرەكشە. ساپالى كادر دايارلاۋ ءۇشىن جوعارى وقۋ ورىندارى بار كۇشىن سالۋى قاجەت. سوندىقتان رەكتور قىزمەتىن اتقاراتىن ازامات بۇل جۇمىستى ءوز دەڭگەيىندە ۇيىمداستىرا بىلۋگە ءتيىس», دەپ اتاپ ءوتتى ت.دۇيسەنوۆا.
