فوتو: اقمولا وبلىسى اكىمدىگى
اۋداننىڭ جاڭا اكىمىن ءوڭىر باسشىسى مارات احمەتجانوۆ تانىستىرىپ, وعان پرەزيدەنتتىڭ ء«ادىل قازاقستان: زاڭ جانە ءتارتىپ, ەكونوميكالىق ءوسۋ, قوعامدىق وپتيميزم» جولداۋىنىڭ باسىمدىقتارىن ەسكەرە وتىرىپ, بىرقاتار مىندەتتەر قويدى.
ء«سىزدىڭ باستى مىندەتىڭىز – اۋدان تۇرعىندارىنىڭ ءومىر سۇرۋىنە قولايلى جاعداي جاساۋ, جىلىتۋ ماۋسىمىنىڭ اقاۋسىز ءوتۋىن قامتاماسىز ەتۋ, اۋداننىڭ ەلەكترمەن جابدىقتاۋ تاپشىلىعىن ازايتۋ ماسەلەسىن شەشۋ ءۇشىن جوسپارلانعان جوبالاردى ىسكە اسىرۋ, ەلدى مەكەندەردى ۇزدىكسىز ءارى ساپالى اۋىز سۋمەن قامتاماسىز ەتۋ جانە جول جەلىسىن دامىتۋ ماسەلەلەرى بويىنشا جۇمىستاردى جانداندىرۋ», دەدى مارات احمەتجانوۆ.
سونداي-اق, اۋدان باسشىلىعى جاڭا ينۆەستيتسيالىق جوبالاردى پىسىقتاۋى, ينۆەستورلاردى تارتۋ بويىنشا جۇمىستى ىلگەرىلەتۋى, جۇمىس ىستەپ تۇرعان اوك كاسىپورىندارىنىڭ جۇكتەمەسىن ارتتىرۋى, استانا اگلومەراتسياسىن دامىتۋدىڭ كەشەندى جوسپارىنا ەنگىزىلگەن جوبالاردى تۇراقتى باقىلاۋدا ۇستاۋى قاجەت.
«پروبلەمالىق ماسەلەلەردى شەشۋ جانە جاڭا جوبالاردى ىسكە اسىرۋ بويىنشا ۇلكەن جۇمىس كۇتىپ تۇر. سوندىقتان سىزگە جەدەل شەشىم قابىلداۋ عانا ەمەس, ەڭ باستىسى, ولاردىڭ بارلىعىن ءتيىمدى ىسكە اسىرۋ كەرەك», دەدى وبلىس اكىمى.
كەزدەسۋ سوڭىندا مارات احمەتجانوۆ دوستانبەك ەسجانوۆقا اۋدان تۇرعىندارىنىڭ يگىلىگى ءۇشىن جۇكتەلگەن بارلىق مىندەتتەردى ىسكە اسىرۋدا تابىس تىلەدى.
