بۇل تۋرالى ۇلتتىق وليمپيادا كوميتەتىنىڭ ءباسپاسوز قىزمەتى حابارلادى.
ەرلەر اراسىندا 60 كەلىگە دەيىنگى سالماقتا داۋرەن سۇيكەنوۆ العاشقى جەكپە-جەگىندە برازيليالىق ميشەل اۋگۋستودان جەڭىلىپ قالدى. شەرزود داۆلاتوۆ تا ءبىرىنشى كەزدەسۋىندە ۇتىلدى. ونىڭ قارسىلاسى مونعوليالىق ەلك كازيربيەك بولدى.
73 كەلىگە دەيىنگى سالماقتا باقىتجان ءابدىراحمانوۆ رۋمىنيالىق لۋچيان بورستى جەڭىپ, بىراق كەيىن امەريكالىق دجەك ەنەزۋكيگە جول بەردى.
قىزدار اراسىنداعى باسەكەدە قازاقستاندىق دزيۋدوشىلار العاشقى جەكپە-جەكتەرىندە جەڭىسكە جەتە المادى. تولعاناي ابەۋوۆا (52 كەلىگە دەيىن) جاپونيالىق ناناكو تسۋبونەگە, دانا ءابدىروۆا (57 كەلىگە دەيىن) موڭعوليالىق اريۋنزا تەربيشكە, ال سامالاي ەرعاليەۆا (63 كەلىگە دەيىن) تاعى ءبىر جاپونيالىق مەگۋمي حوريكاۆەدەن جەڭىلدى.
وسىلايشا, قازاقستان ءبىرىنشى كۇندى مەدالسىز اياقتادى.
