بىلتىر اقتوبە وبلىسىندا وقۋ-اعارتۋ مينيسترلىگىنىڭ, «قازاقستان حالقىنا» قوعامدىق قورىنىڭ جانە ءبىلىمدى تۇراقتى دامىتۋ قولداۋىمەن تسيفرلىق تەحنولوگيالاردى پايدالانا وتىرىپ, اۋىل مەكتەپتەرىنىڭ الەۋەتىن ارتتىرۋ جونىندەگى جوبا تابىستى ىسكە استى. جوباعا 12 تىرەك, 134 شاعىن جيناقتى مەكتەپپەن بىرگە 11 مىڭنان استام ءبى ءلىم الۋشى مەن 3,5 مىڭعا جۋىق پەداگوگ قاتىستى. وعان قاتىسقان مەكتەپ باسشىلارى مەن مۇعالىمدەر تسيفرلىق قۇزىرەتتىلىك پەن كاسىبي دامۋعا باعىتتالعان ارنايى كۋرستاردان ءوتتى. شاعىن جيناقتى مەكتەپتەردىڭ تەحنيكالىق مۇمكىندىگىنە قاراي وقىتۋدىڭ 4 ۇلگىسى ازىرلەنىپ ەنگىزىلدى.
«جوبا اياسىندا تىرەك مەكتەپتەرىنىڭ ماتەريالدىق-تەحنيكالىق بازاسى تولىعىمەن جاڭارتىلىپ, شاعىن جيناقتى مەكتەپتەر پاندىك جانە تسيفرلىق كابينەتتەرمەن جابدىقتالدى. مەكتەپتەر جىلدامدىعى جوعارى ينتەرنەتپەن قامتاماسىز ەتىلدى», دەدى ع. بەيسەمباەۆ.
ايتالىق, جوبا شەڭبەرىندە «قازاقستان حالقىنا» قوعامدىق قورى بارلىعى 134 شاعىن جيناقتى مەكتەپتى زاماناۋي قۇرال-جابدىقپەن, سونىڭ ىشىندە ونلاين-وقىتۋ جانە عىلىمي قىزمەتكە ارنالعان كابينەتتەرمەن جاراقتاندىرۋعا 1,8 ملرد تەڭگەدەن استام قارجى بولگەن.
بۇگىندە ەلىمىزدەگى بارلىق مەكتەپتىڭ 70 پايىزدان استامى (5 245) اۋىلدىق جەردە, ونىڭ جارىمى شاعىن جيناقتى مەكتەپ ساناتىنا جاتادى (2 564 مەكتەپ). ءبىر جاعىنان شاعىن جيناقتى مەكتەپتەردەگى ءبىلىم ساپاسىنا بىلىكتى مامانداردىڭ جەتىسپەۋشىلىگى عانا ەمەس, بۇعان ەسكىرگەن ماتەريالدىق-تەحنيكالىق بازاسى دا اسەر ەتەدى.
«قازاقستان حالقىنا» قوعامدىق قورىنىڭ باسقارما توراعاسى بولات جامىشەۆ قور قۇرىلعاننان باستاپ ءبىلىم سالاسىنداعى قايىرىمدىلىق جوبالاردى قولداۋعا ەرەكشە ءمان بەرىلگەنىن جەتكىزدى.
«ۋاكىلەتتى ورگاندارمەن جاعدايدى بىرلەسىپ زەردەلەۋ, سەرىكتەس قورلارىمىزبەن تالقىلاۋ «قازاقستان حالقىنا» قورى شەشۋگە قاتىسا الاتىن وزەكتى ماسەلەلەردىڭ ءبىرى – اۋىلدا ءبىلىمدى دامىتۋ ەكەنىن كورسەتتى. سوندىقتان ءبىزدىڭ قايىرىمدىلىق جوبامىز ء«بىلىم بەرۋدى تۇراقتى دامىتۋ قورى» قق, «نازارباەۆ زياتكەرلىك مەكتەپتەرى» دببۇ, وڭىرلىك اكىمدىكتەرىمەن جانە باسقا سەرىكتەستەرمەن ىسكە اسىرعان «اۋىلدىق جەرلەردە تىرەك مەكتەپتەردىڭ الەۋەتىن دامىتۋ» ەلدىك باستاماسى بولدى. 2022 جىلدان بەرگى ەكى كەزەڭدە قور ەلىمىزدىڭ 17 وڭىرىندە 135 تىرەك مەكتەپتى جاراقتاندىرۋعا 33.5 ملرد تەڭگە جۇمسادى. كەلەسى جىلى ءبىز تاعى 56 مەكتەپتى قامتي وتىرىپ, جوبانى اياقتايمىز», دەدى ول.
ب.جامىشەۆتىڭ ايتۋىنشا, «اقتوبە وبلىسىنىڭ شاعىن جيناقتى اۋىل مەكتەپتەرىنىڭ الەۋەتىن دامىتۋ» جوباسى «اۋىلدىق جەردەگى تىرەك مەكتەپتەرىنىڭ الەۋەتىن دامىتۋ» جوباسىنىڭ جالعاسى بولماق. سونىمەن قاتار اتالعان قور وسىنداي مەكتەپتەر سانى كوپ قوستاناي, اقمولا جانە سولتۇستىك قازاقستان وبلىستارىنا دا جوبانى ەنگىزۋگە قولداۋ كورسەتەدى.
ماسەلەن, بيىل جوباعا اقمولا, قوستاناي, پاۆلودار, باتىس قازاقستان جانە سولتۇستىك قازاقستان وبلىستارىنداعى 10 تىرەك جانە 30 شاعىن جيناقتى مەكتەپ تارتىلىپ وتىر. ال 2025 جىلدىڭ قاڭتارىنان باستاپ بۇل جوباعا 17 ءوڭىردىڭ 192 تىرەك جانە 759 شاعىن جيناقتى مەكتەبى قاتىسادى. ال ءۇشىنشى كەزەڭدە وسى جوباعا قالعان شاعىن جيناقتى مەكتەپتەردىڭ بارلىعى قامتىلادى.
