م.اشىمباەۆ ەلىمىزدە عىلىمدى دامىتۋ مەملەكەتتىك ساياساتتىڭ باسىم باعىتتارىنىڭ ءبىرى ەكەنىن اتاپ ءوتتى. مەملەكەت باسشىسىنىڭ تاپسىرماسىمەن وتاندىق عىلىمنىڭ الەۋەتىن نىعايتۋ جانە بارلىق سالاعا يننوۆاتسيانى كەڭىنەن ەنگىزۋ جونىندە جۇيەلى شارالار قابىلدانىپ جاتقانى دا ءسوز بولدى.
سۇحبات بارىسىندا تاراپتار ءبىلىم بەرۋ جانە عىلىمي زەرتتەۋ جۇمىستارىنىڭ كەلەشەگىنە, سونداي-اق ءارتۇرلى سالادا جاڭا تەحنولوگيالار مەن يننوۆاتسيالار ازىرلەۋ ىسىنە ەرەكشە نازار اۋداردى. وسى ورايدا سەنات پەن نازارباەۆ ۋنيۆەرسيتەتى جانىنداعى زياتكەرلىك جۇيەلەر جانە جاساندى ينتەللەكت ينستيتۋتى اراسىنداعى ءىس-قيمىلدى ودان ءارى دامىتۋ ماسەلەسى ءسوز بولدى.
«زياتكەرلىك جۇيەلەر ينستيتۋتىمەن ىنتىماقتاسا جۇمىس ىستەۋ جاساندى ينتەللەكت تەحنولوگيالارىنا ارنالعان نورماتيۆتىك-قۇقىقتىق بازا ازىرلەۋدە ماڭىزى زور. گرانتتىق باعدارلامالار سياقتى جاساندى ينتەللەكت سالاسىنداعى زەرتتەۋلەردى ىنتالاندىرۋدىڭ دا بەرەرى مول دەپ ەسەپتەيمىز. ۋنيۆەرسيتەتتىڭ وسى باعىتتاعى عالىمدارىمەن بىرلەسىپ جۇمىس ىستەۋ ءتيىمدى جانە پروگرەسسيۆتى قۇقىقتىق ورتا قالىپتاستىرۋعا ىقپال ەتەدى», دەدى م.اشىمباەۆ.
كەزدەسۋ كەزىندە سەنات سپيكەرىنە نازارباەۆ ۋنيۆەرسيتەتىنىڭ قازىرگى قىزمەتى, الداعى جوسپارى جانە بىرلەسكەن جوبالار مەن باستامالار جونىندە مالىمەتتەر بەرىلدى.
