سينوپتيكتەردىڭ بولجاۋىنشا, ەلىمىزدە قار جاۋىپ, بۇرقاسىن كۇتىلەدى, وڭتۇستىك وبلىستاردا جاۋىن-شاشىن (جاڭبىر, قار) جانە كوكتايعاق بولادى. ەلىمىزدىڭ باتىسىندا انتيتسيكلوننىڭ اسەرىنەن جاۋىن-شاشىنسىز اۋا رايى ساقتالادى.
«سونداي-اق اۋا تەمپەراتۋراسىنىڭ تومەندەۋى كۇتىلەدى: تۇندە رەسپۋبليكانىڭ باتىسىندا 7-12 گرادۋس ايازعا دەيىن, سولتۇستىك-باتىستا 13-18 گرادۋسقا دەيىن, سولتۇستىكتە, رەسپۋبليكا ورتالىعىندا 15-20 گرادۋسقا دەيىن تومەندەيدى, رەسپۋبليكانىڭ وڭتۇستىگى مەن وڭتۇستىك-شىعىسىندا 3-8 گرادۋس اياز, تاۋلى ايماقتاردا 10-16 گرادۋس اياز بولادى», دەپ حابارلادى «قازگيدرومەت».
