فوتو: تۇركىستان وبلىسى اكىمدىگى
تۇركىستان وبلىسىنىڭ اكىمى دارحان ساتىبالدى جاڭا اكىمدى قالا اكتيۆىنە تانىستىرىپ, بىرقاتار تاپسىرما جۇكتەدى.
«بۇگىن قالاداعى كادرلىق وزگەرىستەرگە بايلانىستى جينالىپ وتىرمىز. ارىس قالاسىنىڭ اكىمى قىزمەتىن اتقارىپ كەلگەن گۇلجان مامىتقىزى باسقا جۇمىسقا اۋىسۋىنا بايلانىستى, قىزمەتىنەن بوساتىلدى. گۇلجان مامىتقىزى ءوزىن بىلىكتى باسشى رەتىندە تانىتا ءبىلدى جانە قالانىڭ دامۋىنا ءوز ۇلەسىن قوستى. العىسىمىزدى بىلدىرەمىز. بۇگىن قالاعا جاڭا اكىم تاعايىندالىپ وتىر. وبلىستىڭ باعىتى – ءوندىرىس جانە جاڭا جۇمىس ورىندارىن اشۋ, ينۆەستيتسيا تارتۋ, ەكونوميكانى كوتەرىپ, حالىقتىڭ ءال-اۋقاتىن جاقسارتۋ. قايسار زاكىر ۇلىنا وسى باعىتتا بەلسەندى جۇمىس ىستەۋدى تاپسىرامىن. لوگيستيكالىق الەۋەتى جوعارى ارىستىڭ مۇمكىندىكتەرىن تولىق پايدالانىپ, ءوندىرىسى دامىعان قالاعا اينالدىرۋ قاجەت. «تازا قازاقستان» باعدارلاماسىن جۇزەگە اسىرۋ, ايماقتى اباتتاندىرۋ دا ماڭىزدى», دەدى دارحان ساتىبالدى.
قايسار ماڭقاراەۆ 1979 جىلى, 9 ساۋىردە دۇنيەگە كەلگەن. ءبىلىمى جوعارى. ەڭبەك جولىن 2000 جىلى باستاپ, شىمكەنت قالاسىندا, «بەرەكە» جشس-ىندە كاسسير, مەنەدجەر, ەكونوميست بولىپ جۇمىس ىستەگەن.
2022 جىلدان بەرى استانا قالاسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى بولىپ قىزمەت اتقارىپ كەلگەن.
