ۇلت ونەرىنىڭ التىن ۇياسى

ۇلتتىڭ ءبىرتۋار پەرزەنتى اح­مەت جۇبانوۆ ەلىمىزدىڭ تۇك­پىر-تۇكپىرىن ارالاپ ءجۇرىپ, قا­راپايىم قازاق وتباسىلارىندا ونەرگە قۇشتار, بىراق ۇيرەنۋگە مۇمكىندىگى جوق جاس تالانتتاردى ءجيى كەزدەستىرەدى. ءدال وسى ساتتە ونەر جاناشىرىنا مۋزى­كا­لىق مەكتەپ اشۋ تۋرالى وي كەلە­دى. الماتى قالاسىندا رەسپۋب­ليكالىق قازاق مۋزىكالىق مەكتەپ-ينتەرناتىن اشۋ تۋرالى مي­نيسترلەر كەڭەسىنىڭ 1964 جىل­عى №495 بۇيرىعى شىعىپ, مەك­تەپ ءوز جۇمىسىن باستايدى. وسى جىلى ماۋسىم ايىندا مەك­تەپ ديرەكتورى قىزمەتىنە تۇر­كىس­تان ماقسۇت ۇلى وزبەكوۆ تا­عايىندالادى.

ۇلى ماق­سات جولىنداعى ال­عاش­قى قادام­دار, ۇلكەن جەتىستىك­تەرگە جول اشقان ۇلاعاتتى ۇستاز­دار مۋزىكالىق مەكتەپ­تىڭ ءوز ءداس­تۇرىن قالىپتاستىردى. مەك­تەپ ەسىگىن اشقاننان باستاپ جۇمىسقا كىرىسكەن ۇستازدار اۋىل بالالارىنا مۋ­زى­كا اسپاپتارىنىڭ قىر-سىرىن ۇيرەتىپ, يگى ىستەر مەن يدەيا­لاردىڭ, جاڭا باستامالاردىڭ نەگى­زىن سالدى. قازىرگى تاڭدا سول اعا بۋىن وكىلدەرىنىڭ ەرەن ەڭبەگى مەن ماڭ­داي تەرى اقتالدى.

قازاق ونەرىنىڭ ىرگەلى وردا­سى سانالاتىن تاعىلىمى مول تا­ريحي ءبىلىم ورداسىنىڭ مەرەيتويىمەن قۇتتىقتاپ كەلگەن مادەنيەت جانە اقپارات ءمي­نيسترى ايدا بالاەۆا مەملەكەت باسشىسى قاسىم-جومارت تو­قاەۆتىڭ جولداعان جىلى لەبى­زىن جەتكىزدى. «احمەت جۇبانوۆ اتىن­داعى دارىندى بالالارعا ارنال­عان رەسپۋبليكالىق مامان­دان­دى­رىلعان قازاق مۋزىكالىق مەك­تەپ-ينتەرناتىنىڭ قۇرىلعانىنا 60 جىل تولۋىمەن قۇتتىقتاي­مىن. حال­قىمىزدىڭ ۇلى پەرزەنتى ا.جۇ­بانوۆتىڭ باستاماسىمەن اشىل­عان ءبىلىم ورداسى بۇگىن­دە دا­رىندى بالالاردى تاربيە­لەۋ­دىڭ وزىندىك ءداستۇرىن قالىپتاس­تىرعان ىرگەلى وقۋ ورنىنا اينال­دى. كيەلى شاڭىراقتىڭ ۇلاعات­تى ۇستازدارى ۇلت رۋحانيا­تىن ور­كەندەتۋدە ولشەۋسىز ۇلەس قو­سىپ كەلەدى. مەكتەپ ۇجىمى تا­لانت­تى جاستاردى ونەرگە باۋلىپ, ۇر­­پاقتىڭ بويىنا رۋحاني قۇن­دى­لىقتاردى دارىتۋعا زور ەڭبەك ءسىڭىردى. ينتەرنات تۇلەكتەرى قازاق­ستاندا عانا ەمەس, شەتەلدەردە, ايگىلى ساحنالاردا ونەر كور­­سەتىپ, ءتول ما­دەنيەتىمىزدى دارىپ­­تەۋگە بەلسەندى اتسالىسىپ ءجۇر. ءتۇرلى بايقاۋدا توپ جا­رىپ, حال­قىمىزدىڭ مەرەيىن اسىر­عان شاكىرتتەرىڭىزدى بۇكىل ەلى­مىز ماق­تان تۇتادى. سىزدەرگە قازاق­تىڭ مۋزىكا ونەرىن دامىتۋ جولىن­داعى ەسەلى ەڭبەكتەرىڭىز ءۇشىن زور ريزا­شىلىعىمدى بىل­دىرەمىن», دەگەن  پرەزيدەنت قۇت­تىقتاۋ حاتىندا.

مەملەكەت باسشىسىنىڭ قۇت­تىقتاۋىنا ساباقتاستىرا مي­نيسترلىك تاراپىنان جاسالىپ جاتقان ناقتى قولداۋ مەن قام­قورلىقتى اتاپ وتكەن ايدا بالاەۆا ءوز ويىن بىلاي جالعادى: «احمەت جۇبانوۆ اتىنداعى مەكتەپ – ۇلت ونەرىنىڭ ۇستاحاناسى. 60 جىل بويى ءبىلىم ورداسى ۇلتتىق جانە الەمدىك مۋزىكا ونەرىنىڭ مايتالماندارىن تاربيەلەپ, ۇلتىمىزدىڭ رۋحاني مۇراسىن بايىتىپ كەلەدى. مەكتەپ تۇلەكتەرى ەلىمىزدىڭ ابىرويىن حالىقارالىق دەڭگەيدە اس­قاق­تاتىپ, ونەر سالاسىندا بيىك بە­لەستەردى باعىندىرىپ ءجۇر. بۇل – ا.جۇبانوۆتىڭ قازاق بالالارىن الەم ساحنالارىندا كورسەم دەگەن ۇلى ارمانىن, بىزگە ارتقان اسقاق اماناتىنىڭ ورىندالعانىنىڭ ءبىر كورىنىسى دەپ بىلەمىن. وسىنداي ناتيجەگە جەتۋدە ەڭ الدىمەن ۇستازداردىڭ ەڭبەگىن ەرەكشە اتاپ وتكىم كەلەدى», دەپ شاكىرتتەرىنە ونەر الەمىندە وزىندىك جول تابۋىنا زور ۇلەس قوسىپ جۇرگەن بىر­قاتار ۇستازداردى مادەنيەت جانە اقپارات مينيسترلىگىنىڭ «مادەنيەت سالاسىنىڭ ۇزدىگى» توسبەلگىسىمەن ماراپاتتادى. ما­راپاتتالعاندار قاتارىندا گۇلجان سەنبيەۆا, باعدات ءجۇنىسوۆ, گاۋھار بەيسەمباەۆا, گۇلجاميلا مۇحامەتجانوۆا, گۇلناريام رىس­داۋ­لەتوۆا, يرينا بارداشوۆا, مايرا مەندىعاليەۆا, اسەل تاشي­موۆا, ءمادينا شەگىروۆا, ءجانيا اك­باروۆا, داۋرەن سەمباەۆ, گۇلناز بۋلاەۆا, دينارا اسقاروۆا, اي­جان وسپانوۆا سەكىلدى مۋزىكالىق مەكتەپتىڭ فورتەپيانو, ىشەكتى اسپاپتار, ۇرمەلى اسپاپتار, حالىق اسپاپتارى, مۋزىكا تەورياسىنان ءبىلىم بەرەتىن ۇستازدار بار.

مينيستر كەيىنگى جىلدارى پە­داگوگ­تەر­دىڭ قاجىرلى ەڭبە­گىنىڭ ارقاسىندا 200-دەن اسا وقۋشىنىڭ رەسپۋبليكالىق, حالىقارا­لىق بايقاۋلاردىڭ لاۋرەاتى مەن ديپلومانتتارى اتان­­عانىن اتاپ ءوتتى. مەرەيتويعا وراي مەكتەپتىڭ بىرقاتار پەداگوگى مەم­لەكەتتىك ناگرادالارمەن ماراپات­تالعانىن, سونداي-اق بيىل مينيستر­لىكتىڭ قولداۋىمەن مەكتەپتىڭ ماتە­ريال­­دىق-تەحنيكا­لىق بازاسىنىڭ جاڭار­تىلعانىن دا قۋانىشپەن حابارلادى. ايدا عالىمقىزى الداعى ۋاقىتتا دا مەكتەپتىڭ وركەندەۋىنە مەملەكەت تاراپىنان قولداۋدىڭ جالعاسا بەرەتىنىنە سەندىردى.

كونتسەرتتىك باعدارلامادا مەك­تەپتىڭ حالىق اسپاپتار وركەسترى, ۇرمەلى جانە ۇرمالى اسپاپتار وركەسترى, كامەرالىق وركەستر, قوبىز­شىلار ءانسامبلى ورىنداعان ك.ازىر­باەۆتىڭ «كوكشولاق», قۇرمان­عازىنىڭ «سارىارقا», ا.جۇ­بانوۆتىڭ «تاجىك ءبيى», ن.تى­لەن­ديەۆتىڭ «ماحام­بەت», ا.بەس­تى­باەۆتىڭ «ازيا داۋىسى», داۋ­­لەتكەرەيدىڭ «كورۇعلى», ا.جۇ­بانوۆتىڭ «قارلىعاش» شىعارمالارى ونەرسۇيەر قاۋىم­دى ءسۇيسىنتتى.

الماتى