سەنبىلىك بارىسىندا اۋدان ورتالىعىنىڭ «التىن اسىق» شاعىن اۋدانىنا 100-گە جۋىق ادام جينالىپ, اۋىل ىشىمەن وتەتىن وزەن ارناسىنا اعاش ەكتى. بۇدان بۇرىن بۇل ارادا كوپىر سالىنىپ, توڭىرەگىنە تال-تەرەك وتىرعىزىلعان. ولاردىڭ قاتارى 400 ءتۇپ ءارتۇرلى اعاش كوشەتىمەن تولىقتى.
«بۇل جولعى ەكولوگيالىق سەنبىلىككە مىڭ ءتۇپ كوشەت الىنىپ, سونىڭ 400-ءى وسى وزەن ارناسىنا وتىرعىزىلدى. ال قالعان 600 كوشەت باسقا اۋىلدارعا ءبولىنىپ بەرىلدى. ياعني بۇل كۇنى باسقا اۋىلدىق وكرۋگتەردە دە وسىنداي سەنبىلىك وتكىزىلدى. جالپى, بيىل ەل پرەزيدەنتىنىڭ باستاماسىمەن قولعا الىنعان «تازا قازاقستان» ەكولوگيالىق اكتسياسى اياسىندا جامبىل اۋدانىندا 9600 ءتۇپ اعاش وتىرعىزۋ جوسپارلانعان. كوكتەمدە سونىڭ 4800 ءتۇبى ەگىلدى, ال قالعان جارتىسى كۇز ايلارىندا اۋدانداعى 24 اۋىلدىق وكرۋگتە وتىرعىزىلىپ جاتىر. بەلگىلەنگەن جوسپار جىل سوڭىنا دەيىن تولىقتاي اياقتالادى», دەدى اۋدان اكىمىنىڭ ورىنباسارى ابزال نۇرپەيىسوۆ.
الماتى وبلىسى
