جاس قازاق كاسىپكەرلەرى ەندى اقش-تىڭ نيۋ-يورك, ۆاشينگتون, سيەتل سياقتى وزگە دە ءىرى قالالارىندا ەتنو-كوفەحانا اشۋدى جوسپارلاپ وتىر. سەبەبى تارى قوسىلعان كوفە – امەريكالىقتارعا جاڭا دۇنيە. ونىڭ ەرەكشەلىگى – تارى قوسىلعان سوڭ كوفەنىڭ ادەتتەگى اششى ءدامى باسىلىپ, جۇمساق سۋسىنعا اينالاتىندىعىندا. كوفەحانادا شاي, ناۋات, قۇرت سەكىلدى ونىمدەر دە ۇسىنىلادى.
گيتلەردىڭ جەڭىسى
XXI عاسىردا ادولف گيتلەر جەڭگەن سايلاۋ قايدا ءوتتى؟
ناميبيا ۇزاق ۋاقىت بويى نەمىس وتارى بولدى. 2020 جىلعى جەرگىلىكتى سايلاۋدا وشانا اكىمشىلىك وكرۋگىنىڭ بىرىندە ادولف گيتلەر ۋنونا ەسىمدى بيلەۋشى پارتيانىڭ كانديداتى رەتىندە جەڭىسكە جەتتى. دەپۋتات ونىڭ اكەسى گيتلەردىڭ تاريحتاعى ناقتى ءرولىن تۇسىنبەگەنىن ءارى ءوزى ەشكىمدى جاۋلاپ المايتىنىن ايتىپ اقتالعان ەدى. «اتىمنىڭ ساياسي رولىمە ەش قاتىسى جوق. بۇل ۇلكەندەردىڭ قاتەلىگى. مەن ىزگىلىكتى قولدايمىن» دەگەن ەكەن جاڭا زاماننىڭ باسقاشا گيتلەرى.
قولتىراۋىن قاڭقاسى
پالەونتولوگتەر پەرۋدىڭ وكۋكاحە شولىنەن 10 ميلليون جىل بۇرىن ءومىر سۇرگەن قولتىراۋىن سۇيەكتەرىن تاپتى.
عالىمداردىڭ بولجامىنشا, «پيسكوگاۆياليس» اتتى بۇل جانۋار وڭتۇستىك امەريكادا شامامەن 12 ميلليون جىل بۇرىن ءومىر سۇرگەن. ۇزىندىعى شامامەن 3 مەتر. سۋدا مەكەندەگەن. عالىمدار ونى تەك بالىقپەن قورەكتەنگەن دەپ وتىر. ەكسپونات كەلەر ايدا پەرۋدىڭ گەولوگيالىق تاۋ-كەن-مەتاللۋرگيالىق ينستيتۋتىندا كورسەتىلەدى.
