فوتو: اشىق دەرەككوز
قما شىمكەنت قالاسى بويىنشا دەپارتامەنتى ءوڭىردىڭ لاۋازىمدى تۇلعالارىنا جانە «قۋاتجىلۋورتالىق-3» مكك-عا قاتىستى سمەتالىق قۇنىن ارتتىرۋ, سونداي-اق ناقتى ورىندالماعان جۇمىستار ءۇشىن اقى تولەۋ ارقىلى قالاداعى جىلۋ جەلىلەرى مەن ەلەكتر بەرۋ جەلىلەرىنە اعىمداعى جوندەۋ جۇرگىزۋگە بولىنگەن 1,1 ميلليارد تەڭگەدەن استام بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋدى اياقتاعان.
سونىمەن قاتار, كۇدىكتىلەر لاۋازىمدى ادامدار ۇرلانعان قاراجاتتى جىلىستاتۋ ءۇشىن «قولما-قول اقشا جاساۋشىلار» توبىن تارتقان. ولار 7% مولشەرىندە اقشالاي سىياقى ءۇشىن بوگدە تۇلعالارعا رەسىمدەلگەن 24 كۇماندى كاسىپورىن ارقىلى تاۋارلاردى جەتكىزۋ جانە قىزمەت كورسەتۋ جونىندەگى مامىلەلەر تۋرالى جالعان قۇجاتتار (شوت-فاكتۋرالار, جۇكقۇجاتتار, ورىندالعان جۇمىس اكتىلەرى, شارتتار) ۇسىنعان.
«پاراللەلدى قارجىلىق تەرگەۋ شەڭبەرىندە قىلمىستىق جولمەن الىنعان قاراجاتقا ساتىپ الىنعان جىلجىمايتىن م ۇلىكتەر, اتاپ ايتقاندا, شىمكەنت جانە استانا قالالارىنداعى 2 پاتەر, 1 تۇراق ورنى, شىمكەنت قالاسىنداعى 3 جەكە ۇي جانە بانك شوتتارىنداعى تىيىم سالىنعان 50 ميلليون تەڭگە انىقتالىپ, تاركىلەۋ ماقساتىندا سوت سانكتسياسىمەن تىيىم سالىندى», دەلىنگەن حابارلامادا.
ناتيجەسىندە سوت ۇكىمىمەن بارلىق جەتى ايىپتالۋشى 2 جىلدان 7,5 جىلعا دەيىن باس بوستاندىقتارىنان ايىرىلعان.
