وتىرىس بارىسىندا بيۋرو مۇشەلەرى 6 جەلتوقسان كۇنى «ازىق-ت ۇلىك قاۋىپسىزدىگى – ۇلتتىق قاۋىپسىزدىكتىڭ نەگىزگى قۇرامداس بولىگى» تاقىرىبىنا ارنالعان پارلامەنتتىك تىڭداۋ وتكىزۋ تۋرالى قاۋلى قابىلدادى.
م.اشىمباەۆ پارلامەنتتىك تىڭداۋدا تالقىلاناتىن ماسەلەنىڭ وزەكتىلىگى مەن ماڭىزىنا نازار اۋدارىپ, بۇۇ-نىڭ دۇنيەجۇزىلىك ازىق-ت ۇلىك باعدارلاماسى 2025 جىلى 343 ميلليونعا جۋىق ادام اشتىقتان زارداپ شەگەدى دەپ بولجاپ وتىرعانىن تىلگە تيەك ەتتى.
«حالىقتى ساپالى جانە قولجەتىمدى ازىق-ت ۇلىكپەن قامتاماسىز ەتۋ – كەز كەلگەن مەملەكەت ءۇشىن ستراتەگيالىق ماسەلە. قازاقستان ازىق-ت ۇلىك قاۋىپسىزدىگىن قامتاماسىز ەتۋ ءۇشىن ايتارلىقتاي الەۋەتكە يە. دەگەنمەن بۇل باعىتتا وزەكتى پروبلەمالار دا بار. تىڭداۋ بارىسىندا سول تۇيتكىلدەرگە باسا ءمان بەرىپ, مازمۇندى جانە ناتيجەلى تالقىلاۋ ۇيىمداستىرۋ قاجەت», دەدى سەنات توراعاسى.
سونىمەن قاتار بيۋرو مۇشەلەرى بەكىتكەن كۇن تارتىبىنە سايكەس سەناتورلار پالاتا وتىرىسىندا ەكى ماسەلەنى قارايدى: «2024 – 2026 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ; «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپاراتقا قول جەتكىزۋ, قوعامدىق قاتىسۋ, مەملەكەتتىك ناگرادالار جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ. بۇل قۇجاتتىڭ نورمالارى اقپاراتقا قول جەتكىزۋ سالاسىنداعى زاڭنامانى جەتىلدىرۋگە ارنالعان. وسىلايشا, زاڭدا اقپاراتقا قول جەتكىزۋ قۇقىعىن زاڭسىز شەكتەگەنى ءۇشىن مەملەكەتتىك ورگانداردىڭ جاۋاپكەرشىلىگىن كۇشەيتۋگە جانە اقپاراتتىڭ اشىقتىعى مەن ونى الدىن الا تاراتۋ قاعيداتتارىن بەكىتۋگە باعىتتالعان نورمالار قاراستىرىلعان. مۇگەدەكتىگى بار ادامداردىڭ اقپاراتقا قول جەتكىزۋىنە قاجەتتى جاعداي جاساۋعا دا ەرەكشە نازار اۋدارىلىپ وتىر.
بۇعان قوسا بيۋرودا بۇعان دەيىن ءماجىلىس قابىلداعان زاڭدار جۇمىس ءۇشىن سەناتتىڭ تۇراقتى كوميتەتتەرىنە ءبولىنىپ بەرىلدى.
