فوتو: اشىق دەرەككوز
«مەملەكەتتىڭ بارلىق الەۋمەتتىك مىندەتتەمەلەرى تولىق كولەمدە ورىندالىپ جاتىر جانە ودان ءارى قاراي دا ورىندالا بەرەدى. بۇل – ۇكىمەت جۇمىسىنىڭ باسىم باعىتتارىنىڭ ءبىرى», دەدى نۇرلان بايبازاروۆ.
اتاپ ايتقاندا, بيىل قاڭتاردان باستاپ بارلىق زەينەتاقى مەن جاردەماقىلار جىل سايىن ينفلياتسيا دەڭگەيىن ەسكەرە وتىرىپ يندەكستەلىپ جاتىر. 2025 جىلدىڭ 1 قاڭتارىنان باستاپ ىنتىماقتى زەينەتاقى 8,5%-عا, الەۋمەتتىك جاردەماقىلار مەن بازالىق زەينەتاقى 6,5%-عا يندەكستەلەدى.
سونىمەن قاتار مەملەكەت باسشىسىنىڭ تاپسىرماسى بويىنشا بازالىق زەينەتاقىنىڭ مولشەرىن كەزەڭ-كەزەڭىمەن ارتتىرۋ جالعاسىپ جاتىر. 2025 جىلعا ارنالعان رەسپۋبليكالىق بيۋدجەتتە 42 ءتۇرلى الەۋمەتتىك تولەمدەر بويىنشا 6 ترلن تەڭگەدەن استام قاراجات قاراستىرىلعان, بۇل 2024 جىلمەن سالىستىرعاندا 12,5%-عا كوپ.
رەسپۋبليكالىق بيۋدجەتتەن جانە مەملەكەتتىك الەۋمەتتىك ساقتاندىرۋ قورىنان 2 ملن-عا جۋىق وتباسى جاردەماقىلار مەن الەۋمەتتىك تولەمدەر الادى.
«2025 جىلدىڭ باسىنان باستاپ بالالى وتباسىلارعا تولەنەتىن بارلىق مەملەكەتتىك جاردەماقى مولشەرى 6,5%-عا يندەكستەلەدى. بالالى وتباسىلارعا ارنالعان جاردەماقىلاردى تولەۋگە 2025 جىلعا ارنالعان رەسپۋبليكالىق بيۋدجەتتە 875,1 ملرد تەڭگە قاراستىرىلعان. از قامتىلعان ازاماتتاردى الەۋمەتتىك قولداۋ اتاۋلى الەۋمەتتىك كومەك كورسەتۋ ارقىلى جالعاسادى. 2023 جىلدىڭ 1 قاراشاسىنداعى جاعداي بويىنشا 76 مىڭ وتباسى نەمەسە 403 مىڭ ادام ااك الدى. ااك كورسەتۋدىڭ جاڭا تاسىلدەرىن ازاماتتاردىڭ شىعىستارىن ەسكەرە وتىرىپ قايتا قاراۋ شەڭبەرىندە بۇل كومەك تسيفرلىق وتباسى كارتاسى جانە مەملەكەتتىك ءارى مەملەكەتتىك ەمەس ۇيىمداردىڭ جۇيەلەرىمەن ينتەگراتسيالاۋ ارقىلى ترانسفورماتسيالانادى», نۇرلان بايبازاروۆ.
ەستەرىڭىزگە سالا كەتەيىك, بۇدان بولەك, 2024 جىلدىڭ 1 قىركۇيەگىنەن باستاپ قازاقستاندا ستيپەنديا كولەمى: باكالاۆريات بويىنشا 20%-عا, ماگيسترانتتار مەن دوكتورانتتارعا 15%-عا ءوستى. عىلىمي ۇيىمدار قىزمەتكەرلەرىنىڭ جالاقىسى 18%-عا ارتتى, 2025 جىلدان باستاپ 17%-عا كوبەيەدى.
