ءاز جانىبەك حانعا قاتىستى 1334 جىلى جازىلعان تاريحي قولجازبا
باسقوسۋعا اتالعان مينيسترلىك وكىلدەرى, رەسپۋبليكالىق جانە وڭىرلىك مەملەكەتتىك ارحيۆتەردىڭ قىزمەتكەرلەرى, تاريحشى ماماندار قاتىسىپ, ءىس-شارا بارىسىندا «ارحيۆ-2025» جوباسى اياسىندا شەتەلدەردەگى ەل تاريحىنا قاتىستى قۇجاتتاردى انىقتاۋ, كوشىرۋ, تسيفرلاۋ جانە جاريالاۋ باعىتىندا جاسالعان جۇمىستار تالقىلاندى.
كونفەرەنتسيا اياسىندا قازاقستان تاريحىنا قاتىستى بىرەگەي قۇجاتتار كورمەسى ۇيىمداستىرىلدى. ەكسپوزيتسيادا رەسەي, گەرمانيا, تۇركيا, موڭعوليا, بەلارۋس, ارمەنيا, ارحيۆتەرىنەن اكەلىنگەن قۇجاتتار قويىلدى.
1918 جىلى كۇزدە گەرمانياعا جىبەرگەن تۇركىستان اۆتونومياسى
بۇرىنعى پارلامەنت توراعاسى سەرالى ءلاپيننىڭ ۆيزيتكاسى
اتاپ ايتار بولساق, الاش ارىسى ماعجان جۇماباي ۇلىنىڭ 1923–1925 جىلدارداعى جەكە ءىسى; ءاز جانىبەك حانعا قاتىستى 1334 جىلى جازىلعان تاريحي قولجازبا; تەمىر حاننىڭ 918 جىلى سايبەك حانعا ەلشى جىبەرىپ, بۇرىندىقپەن مامىلەگە كەلۋى تۋرالى دەرەك; قازاق جەرىندەگى 1784 جىلدار شاماسىندا بوي كوتەرگەن كونە قالالار كورىنىسى; وتكەن عاسىردىڭ ورتاسىندا شىڭجان-التايدان ۇندىستانعا كوشكەن قازاقتاردى كاشميرگە قابىلداۋ قۇجاتتارىنىڭ كوشىرمەسى, 1918 جىلى كۇزدە تۇركىستان اۆتونومياسىنىڭ بۇرىنعى پارلامەنت توراعاسى سەرالى ءلاپيننىڭ گەرمانياعا جولداعان ۆيزيتكاسى قاتارلى, ت.ب. قۇندى جادىگەرلەر قويىلىپتى.
سونداي-اق شارا اياسىندا «رەسەي مەملەكەتتىك اسكەري-تاريحي ءارحيۆىنىڭ قازاقستاننىڭ ءحىح عاسىرداعى تاريحى جونىندەگى ماتەريالدارى مەن قۇجاتتارى» اتتى قۇجاتتار جيناعىنىڭ تۇساۋكەسەرى ءوتتى.
