ددسۇ باسشىسى حانتاۆيرۋستىڭ تارالۋ جولى كوروناۆيرۋستان مۇلدەم وزگەشە ەكەنىن باسا ايتتى. سوندىقتان ارال تۇرعىندارى مەن تۋريستەر ءۇشىن جاپپاي ىندەت قاۋپى جوق.
تەدروس گەبرەيەسۋس ەۆاكۋاتسيالاۋ پروتسەسىنىڭ قاۋىپسىزدىك شارالارىن ەگجەي-تەگجەيلى ءتۇسىندىردى. كەمە تۇرعىن اۋدانداردان الىس ورنالاسقان گراناديليا ونەركاسىپتىك پورتىنا توقتاعان. ونىڭ ايتۋىنشا, جولاۋشىلار جاعاعا ارنايى كۇزەتىلگەن جانە گەرمەتيكالىق جابىق كولىكتەرمەن شىعارىلادى. جولاۋشىلار ەشكىممەن بايلانىسقا تۇسپەستەن, بىردەن ءوز ەلدەرىنە چارتەرلىك ۇشاقتارمەن جونەلتىلەدى.
جاڭا پاندەميا قاۋپى بار ما؟ ەۋروپادا حانتاۆيرۋس جۇقتىرۋ دەرەكتەرى كوبەيدى
نيدەرلاندىق «MV Hondius» كەمەسىندەگى جاعداي ءساۋىر ايىنىڭ سوڭىندا باستالعان. سوڭعى مالىمەتتەر بويىنش, 7 ادام جۇقتىرعان (2-ءۋى راستالعان, 5-ەۋى كۇدىكتى), سونداي-اق 3 ادام, ياعني نيدەرلاندىق ەرلى-زايىپتى جانە گەرمانيانىڭ پاسساۋ قالاسىنىڭ 78 جاسار تۇرعىنى قايتىس بولعان.
العاشقى ءولىم جاعدايى 21 ساۋىردە تىركەلگەن سوڭ, كەمە مامىر ايىنىڭ باسىندا كابو-ۆەردە جاعالاۋىندا كارانتينگە قويىلدى.
ايتا كەتەرلىگى, سوڭعى كۇندەرى كەمەدە ينفەكتسيا جۇقتىرۋدىڭ جاڭا جاعدايلارى تىركەلمەگەن.
