اقمولا وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, كۇدىكتى رەسمي تۇردە ۇستالىپ, يزولياتورعا قامالعان.
وقيعا ورنىنداعى كورشىلەر مەن كۋاگەرلەردىڭ ايتۋىنشا, قازا تاپقان ايەل جالعىزباستى انا بولعان جانە 12 جاسار پەرزەنتىن جالعىز ءوزى تاربيەلەپ ءوسىرىپ وتىرعان.
ەسكە سالا كەتەيىك, بۇعان دەيىن الەۋمەتتىك جەلىلەردە جول تالعامايتىن كولىكتىڭ بۇرىلىس جاساۋ كەزىندە جاياۋ جۇرگىنشىنى قاعىپ كەتكەنى تۋرالى بەينەجازبا تاراعان بولاتىن. اۋىر تەحنيكا ايەلدى قاعىپ قانا قويماي, ول توقتاعان كەزدە دە زارداپ شەگۋشى كولىك استىندا قالىپ قويعان. العان جاراقاتتارىنىڭ سالدارىنان ول وقيعا ورنىندا كوز جۇمدى.
اتالعان فاكتى بويىنشا قىلمىستىق ءىس قوزعالىپ, تەرگەۋ امالدارى جالعاسىپ جاتىر.
