مەملەكەت قورعاۋىنداعى جارتاستارعا, ەسكەرتكىشتەرگە نەمەسە ۇلتتىق پارك نىساندارىنا جازۋ جازۋ, ولاردى زاقىمداۋ – جاي عانا ادەپسىزدىك ەمەس, بۇل – قىلمىس.
ۆانداليزم ءۇشىن قانداي جازا كۇتىپ تۇر؟
قازاقستان رەسپۋبليكاسى قىلمىستىق كودەكسىنىڭ 294-بابىنا (ۆانداليزم) سايكەس, مەملەكەت قورعاۋىنداعى نىسانداردى بۇلدىرگەندەر ءۇشىن كەلەسىدەي سانكتسيالار قولدانىلادى:
- 100-دەن 2000 اەك-كە دەيىن ايىپپۇل سالۋ (369 مىڭنان 7,3 ملن تەڭگەگە دەيىن);
- قوعامدىق جۇمىستارعا تارتۋ;
- 50 تاۋلىككە دەيىن قاماۋ;
- باس بوستاندىعىن شەكتەۋ نەمەسە ءۇش جىلعا دەيىن باس بوستاندىعىنان ايىرۋ.
ءىىم مالىمدەۋىنشە, ءۆانداليزمنىڭ كەز كەلگەن كورىنىسىنە قاتاڭ قۇقىقتىق باعا بەرىلەدى. تاريحي مۇرانى ساقتاۋ – ءار ازاماتتىڭ مىندەتى.
«زاڭ مەن ءتارتىپ ءار ازاماتتىڭ جاۋاپكەرشىلىگىنە نەگىزدەلگەن, ال مۇنداي قۇقىق بۇزۋشىلىقتار ءۇشىن قاتاڭ جازا بار», دەلىنگەن رەسمي حابارلامادا.
