ەڭ الدىمەن ۆيتسە-پرەمەر قارجى ينستيتۋتىنىڭ قولداۋىمەن ەكونوميكانىڭ ناقتى سەكتورىندا بىرقاتار جوبالاردىڭ ءساتتى جۇزەگە اسىرىلعانىن اتاپ ءوتتى. بانك مەملەكەتتىك جەكە مەنشىك ارىپتەستىك نەگىزدە كوكشەتاۋداعى اۋرۋحانا قۇرىلىسىنا قاتىسىپ جاتىر. تامارا دۇيسەنوۆا قارجى ينستيتۋتى وكىلدەرىن الەۋمەتتىك سالاداعى ارىپتەستىكتى كەڭەيتۋگە شاقىردى.
مەملەكەت باسشىسىنىڭ تاپسىرماسىمەن ءبىلىم سالاسى ينفراقۇرىلىمىن جاقسارتۋ بويىنشا شارالارى ىسكە اسىرىلىپ جاتقانى اتاپ ءوتىلدى. «جايلى مەكتەپ» ۇلتتىق جوباسى اياسىندا مەكتەپتەر سالىنىپ جاتىر. الداعى ءۇش جىلدا 1300 ورتا ءبىلىم بەرۋ نىساندارىنا كۇردەلى جوندەۋ جۇرگىزۋ جانە ولاردى زاماناۋي ءپان كابينەتتەرىمەن جابدىقتاۋ جوسپارلانىپ وتىر. وسىعان بايلانىستى, پرەمەر-ءمينيستردىڭ ورىنباسارى حالىقارالىق قارجى ينستيتۋتى وكىلدەرىن بىرلەسە جۇمىس ىستەۋگە شاقىردى.
حۋسەين وزحان ءوز كەزەگىندە ەقدب الەۋمەتتىك سالاداعى ارىپتەستىكتى دامىتۋعا ءازىر ەكەنىن مالىمدەدى. سونداي-اق ول ۇسىنىلىپ وتىرعان جوبالاردى مۇددەلى مەملەكەتتىك ورگاندارمەن, وزگە دە حالىقارالىق ينستيتۋتتارمەن بىرلەسە قاراستىرۋعا دايىن ەكەنىن جەتكىزدى.
