فوتو: report.az
بۇل تۋرالى جەكسەنبى كۇنى ايماقتىڭ توتەنشە جاعدايلارمەن كۇرەس جانە ونىڭ سالدارىن جويۋ اگەنتتىگىنىڭ وكىلى مالىمدەدى.
اگەنتتىكتىڭ توتەنشە جاعدايلار, جابدىقتار جانە لوگيستيكا ءبولىمىنىڭ باسشىسى شري ۆاحيۋني ءپانچاسيلاۆاتيدىڭ ايتۋىنشا, دەليسەردانگ جانە كارو ايماقتارىندا لاي كوشكىنى مەن سۋ تاسقىنى سەنبى كۇنى كەشكە بولدى. دەليسەردانگتا سۋ تاسقىنى ءتورت ءۇي مەن ءدىني عيماراتتى شايىپ كەتكەن, التى ادام قازا تاۋىپ, تاعى توعىز ادام جاراقات الدى.
اگەنتتىك وكىلى سونداي-اق كارو وكرۋگىندە بولعان وسىنداي تابيعي اپاتتان جەتى ادام قازا تاۋىپ, توعىز ادام جاراقات العانىن قوسا ايتتى. زارداپ شەككەندەر جاقىن ماڭداعى اۋرۋحانالارعا جەتكىزىلدى.
يندونەزيانىڭ مەتەورولوگيا, كليماتولوگيا جانە گەوفيزيكا اگەنتتىگى ايماقتا جاۋىن-شاشىن نورمادان جوعارى بولادى دەپ بولجام جاساپ, اۋا رايىنىڭ كۇرت وزگەرۋى تۋرالى ەسكەرتۋ جاساعان.
ەل بيلىگى جاعدايدى مۇقيات باقىلاپ وتىر جانە زارداپ شەككەن تۇرعىندارعا كومەكتەسۋ جانە تاۋەكەلدەردى ازايتۋعا كۇش سالىپ وتىر.
