دوڭگەلەك ۇستەل جۇمىسىنا جوعارعى سوتتىڭ سۋديالارى, پارلامەنت ءماجىلىسىنىڭ دەپۋتاتى ا.قۇسپان, رەسپۋبليكالىق ادۆوكاتتار القاسىنىڭ (راا) توراعاسى ا.بيكەباەۆ, «اتامەكەن» ۇكپ باسقارما توراعاسىنىڭ ورىنباسارى گ.بيجانوۆا, سونداي-اق باس پروكۋراتۋرانىڭ, ءىىم قىلمىستىق-اتقارۋ جۇيەسى كوميتەتىنىڭ جانە راا وكىلدەرى قاتىستى.
قاتىسۋشىلار سوتتاردىڭ قاماۋعا الۋعا سانكتسيا بەرۋدەن باس تارتۋىنىڭ ۇلەستىك پايىزى جىل سايىن تۇراقتى ءوسىپ كەلە جاتقانىن اتاپ ءوتتى.
ەگەر 2021 جىلى سوتتار قاماۋعا الۋ تۋرالى ءوتىنىش حاتتاردىڭ 90%-عا جۋىعىن قاناعاتتاندىرسا, 2024 جىلى – تەك 75%-ىن عانا قاناعاتتاندىرعان.
سونىمەن بىرگە, قاماۋعا الۋدان باس تارتا وتىرىپ, سوتتار ۇيقاماق پەن كەپىلگە الۋدى ءجيى قولدانا باستادى.
2021 جىلمەن سالىستىرعاندا ۇيقاماعىن تاڭداۋ 860-تان 1911-عا دەيىن نەمەسە ەكى ەسەدەن استامعا, ال كەپىلگە الۋ - 4 ەسەگە (59-دان 214-كە دەيىن) ءوستى.
بيىل جوعارعى سوتتىڭ باستاماسىمەن ەلەكتروندى بىلەزىكتى قولدانۋ جوباسى قولعا الىندى.
2024 جىلى ەلەكتروندى باقىلاۋ قۇرالدارى ۇيقاماققا الىنعانداردىڭ 60 پايىزىندا قولدانىلعان بولسا, 2021 جىلى بۇل كورسەتكىش 3 پايىزدان اسپاعان.
بيىلعى جىلدىڭ 10 ايىندا عانا سوتتار تاراپىنان 505 ەلەكتروندى بىلەزىك قولدانىلدى.
شارتتى تۇردە مەرزىمىنەن بۇرىن بوساتۋ جانە جازانىڭ وتەلمەگەن بولىگىن نەعۇرلىم جەڭىل جازامەن اۋىستىرۋدىڭ وزەكتى ماسەلەلەرى دە اتاپ ءوتىلدى.
دوڭگەلەك ۇستەلدىڭ قورىتىندىسىمەن اتالعان ينستيتۋتتاردى قولدانۋ پراكتيكاسى بويىنشا ءتيىستى ۇسىنىمدار ازىرلەندى.
