وtyrar.kz دەرەگىنشە, قىلمىستىق ءىس القابيلەردىڭ قاتىسۋىمەن قارالادى. القابيلەر تاڭدالىپ تا قويعان.
ايتا كەتەيىك, ەر ادامعا ءۇش بىردەي قىلمىستىق باپ بويىنشا ايىپ تاعىلىپ وتىر.
- ءىس ماتەريالدارىنا سايكەس, سوتقا دەيىنگى تەرگەپ-تەكسەرۋ ورگاندارى سوتتالۋشىعا «قىلمىسقا دايىندالۋ جانە قىلمىسقا وقتالۋ» (قك 24-بابى 3-بولىگى), «كامەلەتكە تولماعان ادامدى زورلاۋ» (قك 120-بابى 3-1-بولىگى 1-تارماعى), «ەكi نەمەسە ودان كوپ ادامدى ءولتىرۋ» (قك 99-بابى 2-بولىگى 1, 3, 10, 14-تارماقتارى) قىلمىستىق ارەكەتتەرى بويىنشا ايىپ تاعىپ, سوتقا جولداعان. سوتتالۋشىنىڭ ءوتىنىش حاتى بويىنشا ءىس القابيلەردىڭ قاتىسۋىمەن اشىق سوت وتىرىسىندا قارالادى, - دەپ حابارلادى تۇركىستان وبلىستىق سوتىنىڭ ءباسپاسوز قىزمەتى.
ەسكە سالايىق, 12 قىركۇيەك كۇنى كەلەس اۋدانىندا جانتۇرشىگەرلىك قىلمىس بولعان ەدى. ماڭايدا تۇراتىن اۋىل تۇرعىنى شىرت ۇيقىدا جاتقان 46 جاستاعى ايەل مەن ونىڭ 15 جاستاعى قىزىن ءولتىرىپ كەتكەن. جەلىدە تاراعان اقپارات بويىنشا, كۇدىكتى مۇعالىم بولىپ قىزمەت اتقارىپ ءجۇرىپ وقۋشى قىزعا تيىسكەن. مۇنى بىلگەن اناسى پەداگوگتىڭ ۇستىنەن ارىز تۇسىرگەن, كەيىن جۇمىستان قۋىلعان.
