- قۇرامىندا ەلمير ءالىمجانوۆ, رۋسلان قۇربانوۆ, ەرلىك سەرتاي, ۆاديم شارلايموۆ سىندى سەمسەرلەسۋشىلەرى بار قازاقستان كومانداسى حالىقارالىق سەمسەرلەسۋ فەدەراتسياسىنىڭ (FIE) جاڭارتىلعان رەيتينگىندە ءتورتىنشى ورىنعا كوتەرىلدى. بۇل – سپورتتىڭ وسى تۇرىندە جەرلەستەرىمىز ءۇشىن بۇرىن-سوڭدى بولماعان كورسەتكىش.
- بۇگىن قىتايدىڭ ماكاوسىندا UFC Fight Night ءتۋرنيرى وتەدى. نەگىزگى جارىستا قىتايدىڭ قازاعى ماقسات قايسار (10-3) برازيليالىق نيكولاس موتتامەن (14-5) كۇش سىناسادى. ال قىتايدا دۇنيەگە كەلگەن تاعى ءبىر قانداسىمىز باعلان جەڭىس ۇلى (18-5) ىرىكتەۋ سىنىندا وڭتۇستىككورەيالىق سۋ يون يۋگەنمەن (13-3) شەبەرلىك بايقاسادى. وسى جەكپە-جەكتە جەڭىسكە جەتكەن فايتەر الەمدەگى ەڭ بەلدى پروموۋشەندە ونەر كورسەتۋ قۇقىعىنا يە بولادى.
- جاپونيانىڭ ناگانوسىندا كونكيمەن جۇگىرۋدەن الەم كۋبوگىنىڭ كەزەڭدىك سايىسى باستالدى. بۇل جارىستا نادەجدا موروزوۆا, كريستينا شۋمەكوۆا, كريستينا سيلاەۆا, ينەسسا شۋمەكوۆا, مارگاريتا گاليەۆا, الينا شۋمەكوۆا, داريا ۆاجەنينا, ماريا دەگەن, ۆيتالي ششيگولەۆ, ءنۇرالى اقجول, باقداۋلەت ساعاتوۆ, رومان بينازاروۆ, ەۆگەني كوشكين, التاي جاردەمبەك ۇلى, نيكيتا ۆاجەنين, ۆاديم ياكۋبوۆسكي باق سىنايدى.
- قازاقتىڭ اتاقتى بوكسشىسى, الەم جانە ازيانىڭ ەكى دۇركىن چەمپيونى, دۇنيەجۇزىلىك اسكەريلەر ويىندارىنىڭ جەڭىمپازى تەمىرتاس ءجۇسىپوۆ 12 جەلتوقساندا باحرەيندە وتەتىن «IBA چەمپيوندار ءتۇنى» دوداسىنا قاتىسادى. اسا جەڭىل سالماقتا كۇش سىناسىپ جۇرگەن 36 جاستاعى ارداگەر سپورتشىنىڭ قارسىلاسى ءالى انىقتالعان جوق.
- ايگىلى Goal.com سايتى فۋتبولدان 2026 جىلى وتەتىن الەم چەمپيوناتىنىڭ فاۆوريتتەرىن انىقتادى. باس جۇلدەدەن باستى ۇمىتكەرلەر ءتىزىمىن يسپانيا قۇراماسى باستاپ تۇر. ۇزدىكتەر كوشىندە ارگەنتينا, گەرمانيا, انگليا, فرانتسيا بار. سونداي-اق پورتۋگاليا, يتاليا, نيدەرلاند, كولۋمبيا, برازيليانىڭ دا الەۋەتتەرى جوعارى باعالانادى.
- يسپانيانىڭ مالاگا قالاسىندا ۇيىمداستىرىلعان دەۆيس كۋبوگىنىڭ جارتىلاي فينالىنا شىققان كوماندالار تولىقتاي انىقتالدى. بۇل مەجەدە يتاليا مەن اۋستراليا, گەرمانيا مەن نيدەرلاند تەننيسشىلەرى ءوزارا كۇش سىناسادى.
