اتالعان كەشتە «اق جاۋىن» وركەسترىنىڭ ونەرپازدارى ءوز كومپوزيتسيالارىمەن سەمەي جۇرتشىلىعىن تامساندىردى. بيبىگۇل قيلىمحان, گۇلنۇر سارگيزوۆا جانە جىگەر بەرتىسوۆ سىندى ونەر يەلەرى كورەرمەننىڭ ەرەكشە ءىلتيپاتىنا بولەندى. بۇعان قوسا جەرلەس دارىن يەسىنىڭ شاشباۋىن كوتەرىپ جەرگىلىكتى ونەرپازدار دا سازگەردىڭ تانىمال شاكىرتتەرى قاتارىندا ءوز ونەرلەرىن كورسەتتى.
سازگەردىڭ شىعارماشىلىق كەشىنە قاتىسقان ايماق باسشىسى نۇرلان ۇرانحاەۆ تۋعان جەرىنىڭ عانا ەمەس, تۇتاس قازاق بالاسىنىڭ قادىرلىسىنە اينالعان سازگەرگە قۇرمەت كورسەتىپ, جەرلەستەرى الدىندا كۇيشىنىڭ شىعارماشىلىعى مەن ونىڭ قازاق ونەرىنە سىڭىرگەن ەڭبەگى حاقىندا ءسوز سويلەپ, ەل الدىندا ابىرويىن اسىردى.
«اكەنىڭ قانى, انانىڭ سۇتىمەن بويىڭىزعا دارىپ, سۇيەگىڭىزگە سىڭگەن كۇي قۇدىرەتى ءسىزدى ەلىنە ەلەۋلى, حالقىنا قالاۋلى ەتتى. قارا دومبىراڭىزدىڭ شاناعىنان شىققان «اق جاۋىن» مەن «دارابوز», « ۇلى دالا» مەن كوپتىڭ جۇرەگىنەن ورىن العان «كوڭىل تولقىنى» تالعامى بيىك تىڭدارماننىڭ كوڭىل پەرنەسىن ءدوپ باستى. دانا حالقىمىزدا «تۋعان جەرگە تۋىڭ تىك» دەگەن ۇلاعاتتى ءسوز بار. جەرلەستەرىڭىز ءسىزدىڭ تۋعان ەلىڭىزگە دەگەن زور قۇرمەتىڭىزگە شەكسىز العىسىن بىلدىرەدى», دەدى ءوز سوزىندە وبلىس اكىمى.
سالتاناتتى ءىس-شارا اياسىندا ەلىمىزگە بەلگىلى كاسىپكەر, مەتسەنات تالعات ساقان كۇيشى سەكەن تۇرىسبەككە اۆتوكولىك مىنگىزدى.
«شالقىما», «دارابوز», «قوڭىر», «كوك ءبورى», «قوسباسقان قوڭىر», «سالتانات», «جولاۋشى» سىندى تىڭداۋشىلاردىڭ كوڭىل شىرايىن كىرگىزەتىن تۋىندىلار كوپشىلىك تارازىسىنا ۇسىنىلدى. شىعارماشىلىق كەشتىڭ يەسى تىڭدارماندارمەن سىرلاسىپ, جۇرەگىن جارىپ شىققان شىعارمالارى تۋرالى تىڭدارماندارىمەن سىر ءبولىستى.
اباي وبلىسى
