ج.احمەتوۆ بۇرىنعى «مەڭگەسەر» كەڭشارىنىڭ ورنىنا قۇرىلعان «مامبەتوۆ ي ك» جشس-دا بىرنەشە جىلدان بەرى وزات كومباينشى اتاعىن بەرمەي كەلە جاتقان جىگىت.
– اكەم كومباينشى بولدى. جاڭبىر جاۋىپ, جەر ساز بولىپ, كومباين جۇرە الماي قالعاندا ەگىستىك اۋىل ماڭىندا بولسا «نيۆاسىن» ءۇيدىڭ الدىنا اكەلىپ قوياتىن. سوندايدا بالالاردىڭ ەرمەگى كومبايننىڭ كابيناسىنا كىرۋ بولاتىن. اكەمنىڭ «قۇلاپ قالاساڭدار, مەرتىگەسىڭدەر» دەپ ۇرىسقانىنا قاراماي «نيۆادان» تۇسپەيتىنبىز. اسىرەسە مەن ونىڭ ءرۋلىن اينالدىرعاندى جاقسى كورۋشى ەدىم. باسقا بالالاردى وعان جولاتپاۋعا تىرىساتىنمىن. تۇسىمە دە كومباين كىرەتىن. اقىرى سول, اكەمنىڭ كومباينىنا مىنگەننىڭ اسەرىمەن مەن دە كومباينشى بولدىم», دەيدى ەڭبەك مايتالمانى. – قازىرگى كومبايندار تاماشا, ءىشى ىستىق ەمەس, كونديتسيونەرلەرى بار, شاڭ دا كىرمەيدى, اق كويلەكپەن وتىرىپ, اپپاق جاعاڭا كىر شالدىرماي شىعۋعا بولادى. تەك ونىڭ جاعدايىن قاتاڭ باقىلاپ, ءتۇرلى كورسەتكىشتەردىڭ تالابىن ۇزبەي ورىنداۋىڭ كەرەك. مىسالى, ماي ازايىپ قالدى دەگەن بەلگىمەن تۇيمەشەنىڭ سارى جارىعى جانسا, بىردەن توقتاپ, ماي قۇيۋىڭ كەرەك. بىزدە كەيبىرەۋلەر وندايدى ەلەمەي قىزىل جارىق جانعانشا جۇرە بەرەدى. ءسويتىپ, تاماشا كومبايننىڭ ىستەن شىعۋىنا اكەپ سوقتىرادى. ال مەن ءوز كومباينىمدى قىزىمداي ماپەلەيمىن, سونىڭ ارقاسىندا ول وراق بويى توقتاماي, مىنە بيىل ۇلكەن جەتىستىككە جەتىپ وتىرمىز.
شىنىندا, جامبىل بايقۋانىش ۇلىنىڭ بيىلعى جەتىستىگى وراسان. ول 29 500 تسەنتنەر استىق جيناپ, ءوزى ءۇشىن دە, شارۋاشىلىق ءۇشىن دە رەكورد جاساپ وتىر. باياعىدا «نيۆامەن» ەڭ كوپ دەگەندەر 10 مىڭ تسەنتنەردەن استىق جيناعانعا ءماز بولسا, قازىرگىلەر ودان ءۇش ەسە ارتىق استىق جيناۋعا قول جەتكىزۋدە ەكەن. وزىق تەحنولوگيا دەگەننىڭ ارتىقشىلىعى وسى. «مامبەتوۆ ي ك» سەرىكتەستىگى وبلىستاعى وزىق شارۋاشىلىقتاردىڭ ءبىرى. كاسىپورىن ۇكىمەتتىڭ كومەگىنىڭ ارقاسىندا نەمىستىڭ, امەريكانىڭ جوعارى ساپالى كومبايندارىن ساتىپ الىپ, تەك سولارمەن عانا جۇمىس ىستەيدى. شارۋاشىلىقتىڭ باس ديرەكتورى ەركەبۇلان مامبەتوۆ – ءماجىلىس دەپۋتاتى.
جامبىل احمەتوۆ – كوپبالالى وتباسىنىڭ تۇلەگى. ولاردىڭ وتباسىندا 12 بالا ءوسىپ-ونگەن. جامبىل مەن زۋراشتىڭ شاڭىراعىندا دا ءۇش بالا تۋىپ-وسكەن. ۇلكەن ۇلى استانادا, ءبىر قۇرىلىس كومپانياسىندا پروراب بولىپ ىستەيدى. قىزى – بالاباقشانىڭ تاربيەشىسى. ال كىشى ۇلى مەكتەپ جاسىندا.
شارۋاشىلىق ج.احمەتوۆتىڭ ەڭبەگىن جوعارى باعالاپ, وعان بۋرابايداعى ساناتوري-كۋرورتتاردىڭ بىرىنە تەگىن جولداما سىيلادى. ول جيىرما جىلدىق ەڭبەك جولىندا كوپتەگەن قۇرمەت گراموتاسى, العىسحاتتار, اقشالاي-زاتتاي سىيلىقتارعا يە بولعان. بيىلعى وراقتا تاپقان ەڭبەكاقىسى دا جوعارى بىلىكتى كومباينشىعا لايىق, اسا قوماقتى ەكەن. بىراق كومپانيانىڭ قول قويعىزعان تالابى بويىنشا جالاقى كولەمىن كولدەنەڭ جۇرتقا جاريا ەتپەيدى. ء«وزىم ريزا بولسام بولدى ەمەس پە» دەپ كۇلەدى.
سولتۇستىك قازاقستان وبلىسى
