ءىس-شاراعا مەملەكەتتىك كەڭەسشى ەرلان قارين, پارلامەنت ءماجىلىسى توراعاسىنىڭ ورىنباسارى دانيا ەسپاەۆا, قازاقستاننىڭ رەسەيدەگى توتەنشە جانە وكىلەتتى ەلشىسى داۋرەن اباەۆ, سىرتقى ىستەر ءمينيسترىنىڭ ورىنباسارى رومان ۆاسيلەنكو, پرەزيدەنت تەلەراديوكەشەنىنىڭ باس ديرەكتورى راۋشان قاجىباەۆا جانە ەلىمىزدىڭ ءىرى مەدياحولدينگتەرى مەن باق جەتەكشىلەرى ارنايى باردى.
فورۋمعا رف پرەزيدەنتى اكىمشىلىگى باسشىسىنىڭ ورىنباسارى, رەسەي پرەزيدەنتىنىڭ ءباسپاسوز حاتشىسى دميتري پەسكوۆ, رف تسيفرلىق دامۋ, بايلانىس جانە بۇقارالىق كوممۋنيكاتسيالار ءمينيسترىنىڭ ورىنباسارى بەللا چەركەسوۆا, تاسس اقپارات اگەنتتىگىنىڭ باس ديرەكتورى اندرەي كوندراشوۆ, تاسس اقپارات اگەنتتىگى باسشىسىنىڭ ءبىرىنشى ورىنباسارى ميحايل گۋسمان, «رەسەيدىڭ قوعامدىق تەلەۆيدەنيەسى» اكەۇ باس ديرەكتورى ۆيتالي يگناتەنكو, «ۆەچەرنيايا موسكۆا» گازەتىنىڭ باس رەداكتورى الەكساندر كۋپريانوۆ جانە رەسەيدىڭ باسقا دا ءىرى بۇقارالىق اقپارات قۇرالدارىنىڭ جەتەكشىلەرى مەن وكىلدەرى قاتىستى.
ەرلان قارين ءوز سوزىندە تاسس اقپارات اگەنتتىگىن مەرەيتويىمەن قۇتتىقتاپ, اتالعان باق-تىڭ الەمدەگى بەدەلى, ونىڭ ۇجىمى مەن باسشىلىعىنىڭ كاسىبي بىلىكتىلىگى جوعارى ەكەنىن اتاپ ءوتتى.
مەملەكەتتىك كەڭەسشىنىڭ ايتۋىنشا, وسى مەديا فورۋم – قازاقستان مەن رەسەي اراسىنداعى دوستىق, وداقتاستىق پەيىلدەگى قارىم-قاتىناستىڭ قارقىندى دامىپ كەلە جاتقانىنىڭ ايقىن دالەلى.
سونداي-اق ەرلان قارين ەكى ەل اراسىنداعى ىنتىماقتاستىقتى نىعايتۋعا ۇلەس قوسقانى ءۇشىن تاسس اقپارات اگەنتتىگىنىڭ باس ديرەكتورى اندرەي كوندراشوۆقا قازاقستان پرەزيدەنتى قاسىم-جومارت توقاەۆتىڭ تاپسىرماسىمەن ءىى دارەجەلى «دوستىق» وردەنىن تابىس ەتتى.
باسقوسۋدا تاراپتار بۇقارالىق اقپارات قۇرالدارى اراسىندا بىرلەسكەن مەديا جوبالاردى جۇزەگە اسىرۋ جوسپارىن تالقىلاپ, سالانى دامىتۋعا, وعان تسيفرلى تەحنولوگيالاردى ەنگىزۋگە جانە باسقا دا وزەكتى ماسەلەلەرگە قاتىستى پىكىر الماستى.
