فوتو: istockphoto.com
ءبىرىنشى ترانزاكتسيانىڭ كورسەتىلىمى 15 قاراشادا الماتىدا وتكەن قازاقستان قارجىگەرلەرىنىڭ كونگرەسى اياسىندا ەكىنشى دەڭگەيلى ەكى بانكتىڭ قاتىسۋىمەن ءوتتى.
سونىمەن قاتار بانكارالىق QR تولەم قىزمەتى ازاماتتارعا QR تولەمدەرىن جىلدام جانە ىڭعايلى جۇرگىزۋگە مۇمكىندىك بەرەتىن ۇلتتىق تسيفرلىق قارجىلىق ينفراقۇرىلىمنىڭ قۇرامداس بولىكتەرىنىڭ ءبىرى سانالاتىنى اتاپ ءوتىلدى.
«بانكارالىق QR تولەمدەرىن ەنگىزۋ كاسىپكەرلىك سۋبەكتىلەرىنە ءارتۇرلى بانكتەردىڭ بىرنەشە تەرمينالدارىن ورناتۋ قۇنىن تومەندەتۋگە, ال ازاماتتارعا QR-كود ارقىلى ەلدەگى كەز كەلگەن بانكتىڭ تەرمينالى ارقىلى تولەم جاساۋعا مۇمكىندىك بەرەدى. ءوز كەزەگىندە بانكتەر NDFI ينفراقۇرىلىمىنا قاتىسۋ اياسىندا بانكارالىق ترانزاكتسيالاردى وڭدەۋ قۇنىن تومەندەتۋ جانە كليەنتتەرگە تولەم قىزمەتتەرىن كەڭەيتۋ ەسەبىنەن شىعىنداردى وڭتايلاندىرۋعا مۇمكىندىك الادى», دەلىنگەن حابارلامادا.
قازىرگى تاڭدا بانكارالىق QR تولەم جۇيەسىنىڭ فۋنكتسيونالدىعى قامتاماسىز ەتىلىپ, قاتىسۋشى بانكتەردى كەزەڭ-كەزەڭىمەن قوسۋ جۇمىستارى جۇرگىزىلىپ جاتىر. جوبانى ماسشتابتاۋ 2025 جىلعا جوسپارلانعان.
