بارلىق مەملەكەتتەردەگىدەي, بانكنوتتاردا بەينەلەنگەن تۇلعالار اقش تاريحىندا ماڭىزدى تاريحي ءرول اتقارعان ادامدار بولۋعا ءتيىس. بىراق ءتىرى ادامداردىڭ بەينەسى ەرەجەگە سايكەس مۇلدە قولدانىلمايدى. بۇل زاڭ اقش تاريحىندا كوزگە تۇسكەن تۇلعالاردىڭ قۇرمەتىن ارتتىرۋ ماقساتىندا جاسالعان. ال قازىرگى ۋاقىتتا ەشقانداي ءتىرى ادام بانكنوتتاردا بەينەلەنبەيدى.
ەڭ كونە ۆاليۋتا
ەڭ كونە ۆاليۋتا – اعىلشىن فۋنت ستەرلينگى. ونىڭ تاريحى VIII عاسىردان باستاۋ الادى.
ناقتىراق ايتقاندا, 775 جىلى انگلوساكسوندىق انگليانىڭ كورولى وففا العاشقى فۋنت بانكنوتىن شىعارعان. سول كەزدەن بەرى فۋنت ستەرلينگ ورنى مەن ماڭىزىن ساقتاپ كەلەدى. بۇگىندە فۋنت ستەرلينگ كوپتەگەن ەلدە قولدانىلادى ءارى الەمدىك قارجى نارىعىندا ماڭىزدى ورىن الادى.
باحرەين دينارى
ەڭ قۇندى ۆاليۋتا – باحرەين دينارى (BHD). ونىڭ قۇنى دينارىنا 2,65 دوللاردى قۇرايدى.
بۇل ۆاليۋتانىڭ قۇندىلىعى ەل ەكونوميكاسىنا, التىن قورى مەن قارجى ساياساتىنا بايلانىستى تۇراقتى تۇردە جوعارى دەڭگەيدە ساقتالىپ كەلەدى. باحرەين ەكونوميكاسى كوبىنە مۇناي مەن تابيعي رەسۋرسقا نەگىزدەلگەن. سونىمەن قاتار باحرەين ۇكىمەتى ينفلياتسيانى تومەن دەڭگەيدە ۇستاپ تۇرۋعا ءارى قارجى تۇراقتىلىعىن قامتاماسىز ەتۋگە ەرەكشە كوڭىل بولەدى.
«قوس بۇركىت» مونەتاسى
1933 جىلى شىعارىلعان امەريكالىق «Double Eagle» مونەتاسى (قوس بۇركىت) – الەمدەگى ەڭ قىمبات ينۆەستيتسيالىق مونەتالاردىڭ ءبىرى.
العاشىندا اقش ۇكىمەتى ونى شىعارۋدى توقتاتىپ, ەۋروپا ەلدەرىنە ەكسپورتتاعانىمەن, كەيبىرى ەلدە قالىپ قويعان. بىرنەشە ونجىلدىق وتكەننەن كەيىن ءبىر مونەتا اۋكتسيوندا 7,6 ملن دوللارعا ساتىلعان. وسىلايشا, ول تاريحتاعى ەڭ قۇندى مونەتالاردىڭ بىرىنە اينالدى.
1 توننالىق تيىن
الەمدەگى ەڭ اۋىر مونەتا – 2012 جىلى اۋستراليادا شىعارىلعان «One Tonne Gold Kangaroo» مونەتاسى.
بۇل مونەتانىڭ سالماعى 1 توننا ءارى 99,99% تازا التىننان جاسالعان. ديامەترى – شامامەن 80 سم, ال قالىڭدىعى – 12 سم. اۋستراليانىڭ پەرت مونەت سارايى جاساعان مونەتا گيننەسس رەكوردتار كىتابىنا دا ەنگەن. بۇل مونەتا ناقتى اينالىمدا قولدانىلمايدى, تەك كوللەكتسيالىق ماقساتتا شىعارىلعان.
