فوتو: اشىق دەرەككوز
بۇگىنگى تاڭدا ەلىمىزدىڭ يپوتەكاسىنداعى وتباسى بانك ۇلەسى 53% قۇرايدى. بانك ەلدەگى ەكونوميكالىق بەلسەندى حالىقتىڭ 29%-دان استامىن قامتيدى. سونداي-اق اكتيۆتەرى مەن مەنشىكتى كاپيتالى بويىنشا ءتورتىنشى ورىنداعى بانك بولىپ ەسەپتەلەدى جانە 2024 جىلدىڭ 1 قازانىنداعى مالىمەتتەرگە سايكەس, جالپى نەسيەلىك پورتفەلى 3,3 ترلن تەڭگەگە تەڭ. 2023 جىلدىڭ سوڭىندا بانكتىڭ جالپى نەسيەلىك پورتفەلىنىڭ 34,4%-ىن ماقساتتى الەۋمەتتىك اسەرى بار نەسيەلەر قۇراسا, 2024 جىلدىڭ قازان ايىنا بۇل كورسەتكىش 38,2%-عا دەيىن ءوستى. بۇل الەۋمەتتىك وسال توپتار مەن تۇرمىسى تومەن قازاقستاندىقتارعا ارنالعان جەڭىلدەتىلگەن نەسيەلەر.
2024 جىلدىڭ 9 ايىندا بانكتىڭ ونىمدەرى ارقىلى 48 548 قازاقستاندىق وتباسى زاەم الىپ, جاڭا ۇيلەرىنە قونىستاندى.
تۇرعىن ءۇي قۇرىلىس جيناق جۇيەسىنىڭ قاتىسۋشىلارىنىڭ سانى 2,7 ملن ادامدى قۇرايدى. بۇگىندە بانكتىڭ دەپوزيتتىك پورتفەلى 2,3 ترلن تەڭگە. 2024 جىلدىڭ توعىز ايىندا وتباسى بانكىندە 350 029 ادام جاڭا دەپوزيتتەر اشقان, بۇل بولاشاقتا ەڭ تومەن پايىزدىق مولشەرلەمەمەن نەسيە الىپ, باسپاناعا قول جەتكىزۋ ءۇشىن جاسالعان قادام.
«ESG قاعيداتتارىنا بەيىلدىلىك – وتباسى بانكىنىڭ ستراتەگيالىق تاڭداۋى. ءبىز الەۋمەتتىك جاۋاپكەرشىلىگىمىزدى تۇسىنەمىز جانە تۇراقتى دامۋ تەك بانك ءۇشىن عانا ەمەس, قوعام ءۇشىن دە تابىس كەپىلى ەكەنىنە سەنىمدىمىز. ءبىز «جاسىل» نەسيەلەندىرۋدى دامىتىپ, گەندەرلىك تەڭدىك پەن جاس قازاقستاندىقتاردى قولداۋدى قولعا الدىق. پيلوتتىق «جاسىل» يپوتەكا جوباسى اياسىندا 27,2 ملرد تەڭگە سوماسىندا نەسيە بەرىلدى. «ۇماي» باعدارلاماسى بويىنشا قازاقستاندىق ايەلدەردى قولداپ, 3 661 ازاماتشانى ءوز ۇيىمەن قامتاماسىز ەتتىك. ايەلدەرگە ارنالعان جالپى نەسيە كولەمى 41,3 ملرد تەڭگەنى قۇرادى. الداعى جىلى ءبىز بۇل جوبالاردى ازيا دامۋ بانكىمەن ىنتىماقتاستىق اياسىندا جالعاستىرۋدى جوسپارلاپ وتىرمىز», دەدى وتباسى بانكىنىڭ باسقارما توراعاسى ءلاززات يبراگيموۆا.
بانكتىڭ وسى جانە وزگە دە جوبالارى بۇۇ تاراپىنان ماقۇلدانعان تۇراقتى دامۋ ماقساتتارىنا قول جەتكىزۋگە, كەدەيلىكتى جويۋعا, ءومىر ءسۇرۋ دەڭگەيىن ارتتىرۋعا, ەكونوميكالىق ءوسۋدى كۇشەيتۋگە, تەڭسىزدىكتى ازايتۋعا, تۇراقتى قالالار مەن ەلدىمەكەندەردى دامىتۋعا ىقپال ەتۋدە, تۇرعىن ءۇي تاپشىلىعىن ازايتىپ, الەۋمەتتىك وسال توپتاردىڭ ءومىر ءسۇرۋ جاعدايىن جاقسارتۋدا ماڭىزدى ءرول اتقارادى.
سونىمەن قاتار, وتباسى بانك قورشاعان ورتانى قورعاۋ, رەسۋرستاردى باسقارۋ, ەكولوگيالىق اكتسيالاردى وتكىزۋ جانە قىزمەتكەرلەردى تۇراقتى دامۋ تاسىلدەرىنىڭ ماڭىزدىلىعى تۋرالى حاباردار ەتۋ ارقىلى بەلسەندى جۇمىس جۇرگىزۋدە.
بۇگىندە قازاقستان ESG تاقىرىبىندا ەكستەنسيۆتى دامۋدان تۇراقتى دامۋعا كوشۋدىڭ ۇلگىسى. ESG كۇن ءتارتىبىن دامىتۋداعى ماڭىزدى مىسالداردىڭ ءبىرى - 2023 جىلدىڭ اقپان ايىندا پرەزيدەنت جارلىعىمەن قازاقستان رەسپۋبليكاسىنىڭ 2060 جىلعا دەيىنگى كومىرتەگى بەيتاراپتىعىنا قول جەتكىزۋ – ستراتەگياسىنىڭ قابىلدانۋى جانە كليماتتىڭ وزگەرۋ ماسەلەلەرىنە جاھاندىق جاۋاپ رەتىندە ۇلتتىق ۇلەستى جاڭارتۋ.
وتباسى بانك – تۇرعىن ءۇي قۇرىلىس جيناق جۇيەسىن ىسكە اسىراتىن جانە الەۋمەتتىك وسال توپتاردىڭ تۇرعىن ءۇي ماسەلەلەرىن شەشەتىن ءىرى ءارى جالعىز قازاقستاندىق بانك رەتىندە ESG باعىتىندا بەلسەندى دامىپ جاتىر. بانك ءارتۇرلى الەۋمەتتىك باستامالارعا قاتىسىپ, ەكولوگيالىق جانە الەۋمەتتىك ماڭىزى بار جوبالاردى جۇزەگە اسىرىپ كەلەدى.
