اشىق ديالوگ فورماتىندا وتكەن كەزدەسۋدە كاسىپكەرلەر اكىمگە سۇراقتارىن قويىپ, پىكىر الماستى. «دانا» جەكە ءبىلىم بەرۋ مەكتەبى» جشس قۇرىلتايشىسى كۇلاندا باتىربەكوۆا بيومەتريالىق جۇيەنى ەنگىزۋ ماسەلەسىن كوتەرىپ, اقپاراتتىق سەمينارلار وتكىزۋ جانە جاڭا بالاباقشالار سالۋعا جەر تەلىمدەرىن بەرۋگە قولداۋ كورسەتۋدى سۇرادى. «زياتكەر» جشس جانۇيالىق ورتالىعىنىڭ ديرەكتورى اسەل جىلكىباەۆا جاستار سپورتىن دامىتۋعا باعىتتالعان «Artsport» جوباسىن قولداۋعا قاتىستى ساۋالىن قويدى. ول قوسىمشا قارجىلاندىرۋ, قۇرال-جابدىقتاردى جاڭارتۋ جانە رەسپۋبليكالىق وليمپيادالارعا قاتىسۋ راسىمدەرىن جەڭىلدەتۋ قاجەتتىگىن اتاپ ءوتتى.
تالعار اۋدانىنداعى «تەحستروي» كومپانياسىنىڭ ديرەكتورى اسەت تالعاتبەك ساۋدا الاڭدارىن جاڭعىرتۋ كەزىندە سانيتارلىق نورمالاردى ساقتاۋ قاجەتتىگىن العا تارتتى. جيىندا وتاندىق تاۋار وندىرۋشىلەردىڭ «جايلى مەكتەپ» ۇلتتىق جوباسىنا قاتىسۋ ماسەلەسى دە كوتەرىلدى. كاسىپكەر ليان لەونيدوۆيچ وتاندىق تاۋار وندىرۋشىلەردىڭ تەندەرگە قاتىسۋ مۇمكىندىگى جوق ەكەنىن ايتتى. اكىم كاسىپكەرلىكتە ءادىل باسەكەلەستىك ورتا قالىپتاستىرۋعا قاجەتتى شارالاردى قابىلداۋعا ۋادە بەردى.
«شاعىن كاسىپكەرلىكتى قولداۋعا 4 ملرد تەڭگە, پايىزدىق مولشەرلەمەلەردى سۋبسيديالاۋعا 2,5 ملرد تەڭگە ءبولىندى. 1,1 ملرد تەڭگە – نەسيە مەن ليزينگكە كەپىلدىك بەرۋ, 220 ملن تەڭگە – جاس جانە الەۋمەتتىك كاسىپكەرلەرگە ارنالعان مەملەكەتتىك گرانتتار. «دامۋ» قورى 617 جوباعا 83,6 ملرد تەڭگە سۋبسيديا بەرىپ, 10,2 ملرد تەڭگەنىڭ 322 جوباسىنا كەپىلدىك ۇسىندى. قاراشادا 40 كاسىپكەر مەملەكەتتىك گرانت الادى ء(ار جوباعا 5 ملن تەڭگەگە دەيىن). الماتى وبلىسى كاسىپكەرلەر پالاتاسىندا وڭىردە كاسىپكەرلىكتى دامىتۋعا قولايلى جاعداي جاساۋعا كومەكتەسەتىن 8 سالالىق كەڭەس جۇمىس ىستەيدى. ولاردىڭ قىزمەتى كولىك جانە لوگيستيكا, دەنساۋلىق ساقتاۋ, ساۋدا جانە قىزمەت كورسەتۋ, اۋىل شارۋاشىلىعى, تۋريزم, ونەركاسىپ جانە جەر قويناۋىن پايدالانۋ, ادام كاپيتالىن دامىتۋ, قۇرىلىس جانە تۇرعىن ءۇي-كوممۋنالدىق شارۋاشىلىق سالالارىنا باعىتتالعان. كاسىپكەرلەر پالاتاسى كاسىپكەرلەردىڭ پروبلەمالىق ماسەلەلەرىن شەشۋ بويىنشا بەلسەندى جۇمىس جۇرگىزىپ جاتىر», دەدى وبلىس باسشىسى.
الماتى وبلىسى
