بۇدان بولەك, تىيىم سالىنعان ۇيىمنىڭ ارەكەتىنە قاتىسۋ بويىنشا 17 ادامعا «شىعۋعا بولمايتىندىعى تۋرالى قول قويۋ» تۇرىندە بۇلتارتپاۋ شاراسى قولدانىلعان.
«فيگۋرانتتاردىڭ تۇرعىلىقتى جەرلەرىن ءتىنتۋ بارىسىندا ءدىني ادەبيەتتەر مەن باسقا دا زاتتاي دالەلدەمەلەر الىندى. اتالعان ادامداردىڭ تورتەۋى بۇرىن ەكسترەميستىك قىلمىستار جاساعانى ءۇشىن ءىستى بولعان, ال توعىزىنا تىيىم سالىنعان ۇيىمنىڭ قىزمەتىنە قاتىسۋعا جول بەرىلمەيتىنى تۋرالى رەسمي ەسكەرتۋلەر بەرىلگەن», دەپ حابارلادى ۇقك ءباسپاسوز قىزمەتى.
قىلمىستىق كودەكستىڭ 405-بابى 1 جانە 2-بولىكتەرى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى.
