سۋرەت: gov.kz
بۇل شارالاردى ۇيىمداستىرۋدا قوعامدىق قاۋىپسىزدىكتى قامتاماسىز ەتۋ, قارۋدىڭ زاڭسىز اينالىمىنىڭ الدىن الۋ مەن ازاماتتىق قارۋدى پايدالانۋ زاڭناماسىنىڭ ساقتالۋىن قامتاماسىز ەتۋ ماقساتى كوزدەلىپ وتىر. اتالعان كەشەندى شارالار اياسىندا قارۋدىڭ ساقتالۋ شارتتارىنىڭ بۇزىلۋى بويىنشا 85 زاڭ بۇزۋشىلىق ءىسى تىركەلدى. ماماندار قارۋدىڭ جەتكىلىكسىز قورعالۋى نەمەسە زاڭدا كورسەتىلگەن شارتتارعا قاراما-قايشى ساقتالعان قارۋ-جاراق ونىڭ جوعالۋىنا نەمەسە زاڭسىز پايدالانىلۋىنا اكەپ سوقتىرۋى مۇمكىن ەكەنىن ەسكەرتەدى. سونداي-اق قارۋدى تىركەۋ ەرەجەسىنە سايكەس 137 جايت انىقتالعان. بۇل زاڭ بۇزۋشىلىقتار ازاماتتىق قارۋدى تىركەۋ بويىنشا زاڭنامامەن بەلگىلەنگەن پروتسەدۋرالاردىڭ ساقتالماۋىن كورسەتەدى. ال زاڭسىز قارۋ مەن وق-دارىلەردى ساقتاۋ جانە الىپ ءجۇرۋ فاكتىسى بويىنشا 61 ازامات اكىمشىلىك جاۋاپكەرشىلىككە تارتىلعانىن پوليتسيا دەپارتامەنتىنىڭ ءباسپاسوز قىزمەتى راستاپ وتىر.
جاۋاپتى ورگان قىزمەتكەرلەرى جۇرگىزەتىن قۇقىق بۇزۋشىلىقتىڭ الدىن الۋعا باعىتتالعان زاڭسىز قارۋ اينالىمىمەن كۇرەس جانە ازاماتتاردىڭ قاۋىپسىزدىگىن قامتاماسىز ەتۋ بويىنشا تەكسەرۋ جۇمىستارى جالعاسىن تابادى.
اباي وبلىسى
