9 قاراشادان 10 قاراشاعا قاراعان ءتۇنى قالادان 2 400 تەكشە مەتر, 188 رەيس قار شىعارىلدى.
«ەڭ الدىمەن جولداردا كەپتەلىس بولماۋى ءۇشىن وتە قارقىندى قوزعالىس ايماقتارى, كەيىن ورتاشا قارقىندىلىعى بار ۋچاسكەلەر-الاڭدار, ۆوكزال ماڭى, تروتۋارلار, الەۋمەتتىك نىساندارعا كىرەتىن جولدار جانە ت. ب. ورىندار قاردان تازارتىلادى», - دەپ حابارلادى استانا اكىمدىگى.
قالادا بىرنەشە جابدىقتالعان قار پوليگوندارى بار. ول جەرگە بەينەباقىلاۋ كامەرالارى ورناتىلعان, جارىقتاندىرۋ قوسىلعان.
اۋا رايىنىڭ قولايسىزدىعىنا بايلانىستى استانا اكىمدىگى قالا تۇرعىندارى مەن قوناقتارىنان جازاتايىم وقيعالاردى بولدىرماۋ ءۇشىن كوشەدە جۇرگەندە وتە مۇقيات ءارى ساق بولۋدى سۇرايدى.
