فوتو: سۋ رەسۋرستارى جانە يرريگاتسيا مينيسترلىگى
ناتيجەسىندە كولدىڭ ورتاشا سۋ دەڭگەيى بالتىق جۇيەسى بويىنشا 341,60 م جەتتى.
ۆەدومستۆونىڭ حابارلاۋىنشا, بالقاش كولىنىڭ 70%-عا جۋىق سۋى ترانسشەكارالىق ىلە وزەنى ارقىلى قالىپتاسادى. بيىل قىتايمەن شەكارا ماڭىنداعى دوبىن گيدروبەكەتى بويىنشا ورتاشا سۋ اعىنى سەكۋندىنا 384 تەكشە مەتر بولدى. بۇل وتكەن جىلعى كورسەتكىشتەن 17%-عا ارتىق.
مينيسترلىك قازاقستان مەن قىتاي اراسىنداعى ترانسشەكارالىق وزەندەردى ءبولۋ تۋرالى ۇكىمەتارالىق كەلىسىمنىڭ جوباسىن ازىرلەپ جاتقانىن اتاپ ءوتتى. كەلىسىمنىڭ نەگىزگى ماقساتى – بالقاش كولىن وڭتايلى دەڭگەيدە ۇستاۋعا مۇمكىندىك بەرەتىن سۋ كولەمىن جەتكىزۋدى قامتاماسىز ەتۋ.
ء«بىز قىتاي, رەسەي جانە ورتالىق ازيا ەلدەرىمەن ترانسشەكارالىق وزەندەر بويىنشا 28 كەزدەسۋ وتكىزدىك. كەلىسسوزدەر ناتيجەسىندە بيىل قاپشاعاي سۋ قويماسىنا سوڭعى 10 جىلدا العاش رەت 18 ميلليارد تەكشە مەتردەن استام سۋ جينالىپ, 100 پايىزعا تولتىرىلدى», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
