وبلىس اكىمىنىڭ تاپسىرماسىنا سايكەس ۇيىمداستىرىلعان بۇل ءىس-شاراعا 2000-نان استام ادام قاتىستى. ولاردىڭ قاتارىندا ورمان شارۋاشىلىعى قىزمەتكەرلەرى, بەلسەندى جاستار, جەرگىلىكتى تۇرعىندار, مەكتەپ وقۋشىلارى مەن كوللەدج ستۋدەنتتەرى بولدى.
الماتى وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باستاماسىمەن «باقاناس ورمان شارۋاشىلىعى» مەكەمەسىنىڭ اۋماعىندا قارا سەكسەۋىل اعاشىنىڭ 2000 كيلو تۇقىمى جينالدى. سونىمەن قاتار اپتالىق اياسىندا وبلىس كولەمىندە ورنالاسقان ورمان شارۋاشىلىعى مەكەمەلەرى مەن اۋدان تۇرعىندارى, بەلسەندى جاستار, مەكتەپ وقۋشىلارىنىڭ اتسالىسۋىمەن جيدە, شرەنك شىرشاسى, قايىڭ اعاشتارىنىڭ 350 كيلوعا جۋىق تۇقىمى جينالدى.
اكتسيا تابيعي رەسۋرستاردى قورعاۋعا, ەكولوگيالىق جاۋاپكەرشىلىكتى ارتتىرۋعا باعىتتالعان. ءىس-شارا ناتيجەلەرى ەكولوگيالىق مادەنيەتتى قالىپتاستىرۋعا وڭ اسەرىن تيگىزەتىنى ءسوزسىز.
الماتى وبلىسى
