فوتو: informburo.kz
پاۆلودار وبلىسىنىڭ اۋماعىندا ەكپىنى سەكۋندىنا 28-30 مەترگە دەيىن جەتەتىن داۋىل ءالى دە سوعىپ تۇر.
وبلىس اكىمدىگىندە اۋا رايىنىڭ قولايسىزدىعىنا بايلانىستى وڭىردەگى اعىمداعى احۋال تالقىلاندى.
«زارداپ شەككەن قالالار مەن اۋدانداردىڭ اكىمدىكتەرىنە جەدەل تۇردە توتەنشە جاعدايلار جونىندەگى كوميسسيالاردىڭ وتىرىستارىن وتكىزۋ جانە كەلتىرىلگەن زالالدى باعالاۋ مەن زارداپ شەككەن نىسانداردى قالپىنا كەلتىرۋ ءۇشىن تابيعي سيپاتتاعى جەرگىلىكتى اۋقىمداعى توتەنشە جاعداي رەجيمىن جاريالاۋ تۋرالى قاجەتتى شەشىمدەر قابىلداۋ تاپسىرىلدى», دەپ حابارلادى وبلىس اكىمىنىڭ ءباسپاسوز قىزمەتىنەن.
سونىمەن قاتار ەلەكترمەن جابدىقتاۋ جەلىلەرىندە 120 اپاتتىق ءوشىرۋ بولعان, ونىڭ 69-ى جويىلدى. قالعاندارىندا جۇمىستار جالعاسىپ جاتىر. 68 اپاتتىق بريگادا (180 ادامنان استام) جانە 62 تەحنيكا جۇمىلدىرىلدى.
