وقيعا «ريو-دە-جانەيرو» تۇرعىن ءۇي كەشەنىنىڭ قۇرىلىس الاڭىندا بولعان. الەۋمەتتىك جەلىدە قۇلاعان كراننىڭ ۆيدەوسى تارادى. ۆيدەو اۆتورى قۇرىلىس الاڭىنداعى باسقا كرانداردىڭ دا قۇلاۋ قاۋپى بار ەكەنىن ايتىپ, شارا قابىلداۋدى سۇراعان.
توتەنشە جاعدايلار مينيسترلىگىنىڭ مالىمەتىنشە, كراننىڭ قۇلاۋى جەلدىڭ كۇرت كۇشەيۋى مەن كراننىڭ ۋاقتىلى كۇشەيتىلمەۋى سالدارىنان بولعان.
«سارىارقا اۋدانى, سۇلتان بەيبارىس كوشەسى, 25/4, «ريو-دە-جانەيرو» قۇرىلىس الاڭىندا (باس مەردىگەر «G-park» جشس) كب-405 مۇنارا كرانى داۋىلدى جەلدىڭ سالدارىنان قۇلاعانى تۋرالى اقپارات كەلىپ ءتۇستى. قازا تاپقاندار مەن زارداپ شەككەندەر جوق. الدىن الا سەبەپ – جەلدىڭ كۇرت كۇشەيۋى جانە كران رەلس جولدارىندا كراننىڭ ۋاقتىلى كۇشەيتىلمەۋى», دەلىنگەن توتەنشە جاعدايلار مينيسترلىگىنىڭ حابارلاماسىندا.
ەسكە سالا كەتەيىك, كەشە قاتتى جەلدىڭ سالدارىنان اقتاۋدا ايالداما قۇلاپ, ءبىر ادام زارداپ شەككەن ەدى.
