فوتو: اشىق دەرەككوز
بۇگىن, 6 قاراشادا اتىراۋدا ەكپىندى جەل تۇرىپ, اۋا تەمپەراتۋراسى ايتارلىقتاي تومەندەگەن.
اتىراۋ وبلىسىنىڭ توتەنشە جاعدايلار دەپارتامەنتى 5 قاراشا كۇنى وبلىس تۇرعىندارى مەن قوناقتارىنا اۋا رايىنىڭ قولايسىزدىعى تۋرالى ەسكەرتكەن ەدى.
«اتىراۋ وبلىسىندا «قازگيدرومەت» رمك بولجامىنا سايكەس, 6 قاراشادا جەل كۇشەيەدى. جەلدىڭ ەكپىنى سەكۋندىنا 18-23 مەترگە جەتەدى. وسىعان وراي, وبلىس تۇرعىندارى مەن قوناقتارىنا مۇمكىندىگىنشە ۇيلەرىنەن شىقپاۋدى, بالالاردى ەرەكشە باقىلاۋعا الۋدى, قاراۋسىز قالدىرماۋدى, قوعامدىق كولىك ايالدامالارىندا اباي بولۋدى, جانە بيلبوردتار مەن اياقتالماعان قۇرىلىس نىساندارىنان اۋلاق بولۋدى ەسكەرتەمىز», دەلىنگەن حابارلامادا.
ايتا كەتەيىك, وڭىردە قىسقى ماۋسىمعا دايىندىق ارنايى تەحنيكالاردى تەكسەرۋدەن باستالعان. سونداي-اق, اتىراۋ قالاسىنا قىسقى ماۋسىمدا جولدارعا سەبۋ ءۇشىن 400 توننا تۇز قاجەت ەكەنى اتاپ ءوتىلدى.
