تياناقتى شارۋاعا – ۇتىمدى نەسيە

مال باسى وسە كەلە, جەمشوپ تاپ­شى­لىعى سەزىلە باس­تا­دى. قۋاڭشىلىق جىلدارى ءتىپ­تى قيىن جاعدايعا تاپ بولدى. قايتپەك كەرەك؟ ارينە, كىم بولسا دا مۇندايدا تىعىرىقتان شىعار جول ىزدەيدى عوي. ايدوس تا ىزدەندى. ول جاستىعىنا قارا­ماستان, الىستاعى اقش-تان باس­تاپ كۇنشىعىستاعى جاپونيادا دا, ەۋروپانىڭ بىرقاتار ەل­ىندە دە بولعان ازامات. بىر­اق ول بۇل ەلدەرگە تۋريست بولىپ, قى­­دىرىستاپ بارعان جوق. ءوزى ءتا­رىزدى شارۋالاردىڭ تىنىس-تىر­شىلىگىمەن تانىسىپ, وي ءبو­لىسۋدى, تاجىريبە جيناقتاۋدى ويلادى. بارعاندا كورگەندەرىن وي ەلەگىنەن وتكىزگەندە كوپ مۇمكىندىكتى پايدالانا الماي جۇرگەنىن دە, ورىنسىز شىعىنعا جول بەرىلەتىنىن دە, مال وسىرگەن سوڭ ونى جەمشوبىمەن جەتكىلىكتى قامتۋ كەرەگىن دە ۇعىندى. ءسوي­تىپ, جەمشوپ قورىن جا­ساۋدىڭ قامىنا كىرىستى.

بۇل رەتتە ول الدىمەن وزىنە قاراستى جەردى زەرتتەپ كورۋدى ۇيعاردى. نەگە؟ ويتكەنى جەر ەگىس­تىككە جارامدى ما, جوق پا؟ قۇنارلىعى قانداي بولادى ەكەن؟ سونى ءبىلۋ كەرەك ەدى. سويتسە, كەشەگى كەڭەس ۋاقىتىندا بۇل جەرگە ارپا, بيداي دا, كۇنباعىس, جۇگەرى دە, باۋ-باقشا ونىمدەرى دە ەگىلىپ, وسىرىلگەن ەكەن. جەردى قۇجات تۇرىندە سۋارمالى جەرگە اينالدىرىپ, قايتا راسىمدەۋ ءبىرشاما ۋاقىت الدى. قۇجات رەت­تەلگەن سوڭ, 2023 جىلى تۇر­كيادان 160 ملن تەڭگەگە جاڭ­بىر­لاتىپ سۋارۋعا ارنالعان ەكى قۇرىلعى اكەلىپ ورناتتى. ال بيىلعى تامىزدان باستاپ «سول­تۇستىك قازاقستان وبلىسى تا­جىريبەسىن تيراجداۋ» دەپ اتالاتىن اگروونەركاسىپ كەشەنى سالاسىنداعى جوبالارعا نەسيە بەرۋ باعدارلاماسى باس­تالعانىن ەستىگەن ايدوس « ۇلىتاۋ» الەۋ­مەتتىك-كاسىپ­كەرلىك كورپوراتسيا­سىنا 400 گەك­تار جەردى تامشىلاتىپ سۋارۋ ارقىلى جەمشوپ, كوكونىس وسىرۋگە باعىتتالعان جوباسىن ۇسىنىپ, نەسيەلەندىرۋگە ءوتىنىش بەردى. ول جوبا جۇزەگە اسقاندا 3 مىڭ توننا جوڭىشقا, 4 مىڭ تونناعا تارتا كارتوپ ءوسىرۋدى جوسپارلاپ وتىر.

– قازىر مەملەكەتىمىز اۋىلدى دامىتۋ, اۋىل شارۋاشىلىعىن وركەندەتۋ باعىتىندا كوپتەگەن باعدارلاما جاساپ جاتىر. سونىڭ ءبىرى – اگروونەركاسىپ كە­شەنى سالاسىنداعى جوبالارعا نەسيە بەرۋ. نەسيە وتە ءتيىمدى. نەگە دەيسىز عوي, ويتكەنى, جىلدىق مولشەرلەمەسى 2,5 پايى­ز عانا. نەسيەنى 10 جىلعا الۋعا بولا­دى ەكەن. سونىمەن قاتار 24 ايلىق جەڭىلدىكتى كەزەڭ دە قاراس­­تىرىلعان. سوندىقتان قۋانا وتىرىپ, ءوتىنىش بەرىپ ەدىم, ۇلى­­تاۋ وبلىسىنان ەڭ العاشقى بولىپ ماقۇلداۋ الدىم, – دەگەن ايدوس يسمايل مەملەكەت تا­راپى­نان شارۋالارعا كورسەتىلىپ جاتقان قامقورلىققا ءدان ريزا ەكەنىن ايتتى.

– ۇلىتاۋ وبلىسىنا اتال­عان باعدارلاما اياسىندا رەسپۋب­ليكالىق بيۋدجەتتەن جالپى سوماسى 3 ملرد تەڭگە قاراجات ءبو­لىندى. وبلىس اكىمىنىڭ شەشىمىمەن جوبالاردى ىرىكتەۋ جونىندەگى كوميسسيا قۇرىلدى. ىرىكتەۋ ۇدەرىسىنىڭ اشىقتىعىن, بارلىق مۇددەلى تاراپىڭ تارتىلۋىن قامتاماسىز ەتۋ ماقساتىندا كوميسسيا قۇرامىنا جەرگىلىكتى اتقارۋشى ورگانداردىڭ, «اتا­مەكەن» وڭىرلىك كاسىپكەر­لەر پالاتاسىنىڭ وكىلدەرى, ءماس­ليحات دەپۋتاتتارى, بيزنەس, بۇ­قارالىق اقپارات قۇ­رالدا­رىنىڭ وكىلدەرى كىردى. وتكى­زىلگەن مەملەكەتتىك ساتىپ الۋ قورى­تىندىلارىنا « ۇلىتاۋ» اكك» اق باعدارلامانىڭ سەنىم بىلدىرگەن وكىلى (اگەنت) بولىپ بەلگىلەندى. شارۋالار تاراپىنان وتىنىشتەر تۇسە باستادى. كوميسسيا تۇسكەن وتىنىشتەردى قاراستىرا كەلە, «يسمايل ا.ب.» جەكە شارۋاشىلىعىنىڭ بارلىق تالاپقا سايكەس كەلەتىنىن انىق­تادى. ءسويتىپ, وبلىستا اگروونەركاسىپ كەشەنى باعىتى بو­يىنشا العاشقى نەسيە ما­قۇل­داندى, – دەيدى « ۇلىتاۋ» الەۋ­مەتتىك-كاسىپكەرلىك كورپو­را­تسياسى اق-نىڭ باسقارما تور­اعاسى المات جوكەباەۆ.

«ەگەر جەردى دۇرىس وڭدەپ, تەحنولوگياسىن ساقتاپ وتىرسا, جاڭبىرلاتىپ نەمەسە تامشىلاتىپ سۋاراتىن بولسا, ەگىننىڭ ونىمدىلىگى دە ارتادى. وسىلاي جاساپ, ءبىر گەكتار جەردەن 150 توننا بيداي جيناعان جىگىتتى بىلەمىن. ال قازىر ەگىندى ەگىپ تاستايمىز دا, جاڭبىردىڭ جاۋىنا قاراي ءارى كەتكەندە 1 توننا جيناپ ءجۇر­مىز عوي. ەندىگى جەردە ءبىز دە الدىڭعى قاتارلى وزىق ادىستەردى قولدانا ءبىلۋىمىز كەرەك. سوعان قول جەتكىزۋ ءۇشىن جەڭىلدىكتى نەسيە بەرىلىپ جاتقانى وتە دۇرىس», دەگەن ا.يسمايلدىڭ سوزىنەن ءوز ىسىنە تياناقتى شارۋا ەكەنى بايقالادى. ول ۇتىمدى نەسيەگە قول جەتكىزدى. شارۋالارىمىز شيراق, ۇسى­نار نەسيەمىز ۇتىمدى بولسا, اۋىل شارۋاشىلىعىنىڭ ەل ەكونوميكاسىنداعى ۇلەسى ارتىپ, اۋىلدىڭ جاعدايى دا تۇزەلە تۇسەرى حاق.

ۇلىتاۋ وبلىسى