فوتو: ح/@Weathermonitors
جانارتاۋدىڭ اتقىلاۋى تۇندە ادامدار ۇيىقتاپ جاتقاندا باستالعان. ۆۋلكاندىق كۇلدىڭ باعاندارى جانارتاۋ كراتەرىنەن ەكى شاقىرىمنان استام بيىكتىككە دەيىن اتقىلاپ, قامتۋ ايماعى شامامەن التى شاقىرىمدى قۇراعان.
بيلىك ايماقتا قاۋىپتىڭ ەڭ جوعارى دەڭگەيىن ەنگىزىپ, تاۋ كراتەرىنىڭ اينالاسىنداعى جەتى شاقىرىم اۋماقتا وقشاۋلاۋ ايماعىن جاريالاعان.
لەۆوتوبي تاۋىنداعى لاكي لاكي باقىلاۋ بەكەتىنىڭ قىزمەتكەرى فيرمان يوسەفتىڭ ايتۋىنشا, ادامدار ۇرەيلەنىپ ۇيلەرىن تاستاپ كەتكەن. وسى ۋاقىتقا دەيىن بىرنەشە ءۇي ورتەنگەنى بەلگىلى بولعان.
قازىرگى تاڭدا بارلىعى التى ادام قايتىس بولعانى بەلگىلى. سونداي-اق جانارتاۋعا جاقىن ورنالاسقان پۋللەر, نىكاتە, حوكينگ دجايا, كلاتانلو, بورۋ جانە بورۋ كەدانگ اۋىلدارىندا 10 مىڭنان استام ادام زارداپ شەككەن.
زارداپ شەككەندەردىڭ ناقتى سانى ازىرگە بەلگىسىز, سەبەبى بيلىكتىڭ مالىمەتىنشە, زارداپ شەككەندەر مەن قازا تاپقاندار قيراعان نەمەسە ورتەنگەن ۇيلەر قيراندىلارىنىڭ استىندا قالۋى مۇمكىن.
