سۋرەت: lada.kz
اقتاۋدا ۇيىمداستىرىلعان «قازاقستاننىڭ ۇزدىك ىرىمشىگىن» انىقتاۋ سايىسى ەكى كەزەڭ بويىنشا وتكىزىلدى. بايقاۋعا قازىلىق ەتكەن لوران ديۋبۋا باستاعان قازىلار القاسى مەن حالىقارالىق ساراپشىلار ەڭ ۇزدىك 10 ىرىمشىك ءتۇرىن تاڭداعان. جەڭىسكە جەتكەن ونىمدەر التىن, كۇمىس جانە قولا مەدالدارمەن ماراپاتتالدى.
ىرىمشىك جاساۋ شەبەرى 2023 جىلى دا ۇلكەن جەتىستىككە قول جەتكىزگەن. بىلتىر قىركۇيەكتە تۋر قالاسىندا وتكەن «Le Mondial du fromage» حالىقارالىق بايقاۋىنا قاتىسقان ەكاتەرينا پايازيتوۆا ىرىمشىك گيلدياسىنىڭ قۇرمەتتى مۇشەسى اتانعان ەدى. وسىلايشا, ونىڭ قولىنان شىققان ونىمدەر الەمدىك دەڭگەيدە تانىلىپ, ساراپشىلار مەن قازىلار القاسىن تاڭ-تاماشا ەتكەن.
ىرىمشىك وندىرۋشىلەر مەن جەڭىل ونەركاسىپتى وركەندەتۋگە باعىتتالعان بايقاۋلار, حالىقارالىق كورمەلەردە تاجىريبە جيناقتاپ, كاسىپ يەسى اتانعان ەكاتەرينا كەلەشەكتە ىرىمشىك تسەحىن كەڭەيتىپ, ايماقتاعى ىرىمشىك ءوندىرىسىن دامىتۋدى ماقسات ەتەدى.
اباي وبلىسى
