سالتاناتتى ءىس-شاراعا م.و.اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى, قر ۇعا اكادەميگى, فيلولوگيا عىلىمدارىنىڭ دوكتورى كەنجەحان ءىسلامجان ۇلى ماتىجانوۆ, «قازاق ادەبيەتى» گازەتىنىڭ باس رەداكتورى, ۇعا اكادەميگى, فيلولوگيا عىلىمدارىنىڭ دوكتورى باۋىرجان جاقىپ, ءال-فارابي اتىنداعى قازاق ۇلتتىق ۋنيۆەرسيتەتى جانىنداعى اباي عىلىمي-زەرتتەۋ ينستيتۋتىنىڭ پروفەسسورى, فيلولوگيا عىلىمدارىنىڭ دوكتورى قانسەيىت ابدەز ۇلى, م.و.اۋەزوۆ اتىنداعى ادەبيەت جانە ونەر ينستيتۋتىنىڭ باس عىلىمي قىزمەتكەرى, فيلولوگيا عىلىمدارىنىڭ دوكتورى نۇرداۋلەت اقىش, الماتى قالاسى اكىمىنىڭ كەڭەسشىسى ماماي احەتوۆ, الماتى قالاسى مادەنيەت باسقارماسى باسشىسىنىڭ ورىنباسارى ارمان حالبەكوۆ, م.و.اۋەزوۆ اتىنداعى ادەبيەت جانە ونەر ينستيتۋتىنىڭ سىرتقى ادەبي بايلانىستار جانە اناليتيكا ءبولىمىنىڭ مەڭگەرۋشىسى, فيلولوگيا عىلىمدارىنىڭ كانديداتى سۆەتلانا انانەۆا, ينستيتۋتتىڭ باس عىلىمي قىزمەتكەرى, فيلولوگيا عىلىمدارىنىڭ دوكتورى گۇلجاھان وردا, فيزيكا-ماتەماتيكا عىلىمدارىنىڭ دوكتورى داستان شەريازدان ۇلى ەلەۋكەنوۆ قاتىسىپ, قۇتتىقتاۋ ءسوز سويلەدى. 
سالتاناتتى ءىس-شارانى مەملەكەتتىك قىزمەت سالاسىنىڭ ۇزدىگى نۇرمۇحا شايمەردەنوۆ جۇرگىزدى.
ءىس-شاراعا م.و.اۋەزوۆ اتىنداعى ادەبيەت جانە ونەر ينستيتۋتىنىڭ ۇجىمى, اباي اتىنداعى قازۇپ ۋنيۆەرسيتەتىنىڭ جانە ءال-فارابي اتىنداعى قازۇۋ-ءنىڭ وقىتۋشىلارى جانە ستۋدەنتتەرى قاتىستى.
شەريازدان رۇستەم ۇلى ەلەۋكەنوۆ – ادەبيەتتانۋشى-عالىم, سىنشى, جازۋشى. 1929 جىلدىڭ 3 قىركۇيەگىندە شىعىس قازاقستان وبلىسى, ۇلان اۋدانى, ارشالى اۋىلىندا دۇنيەگە كەلگەن.
1951 جىلى قازاقتىڭ س.م.كيروۆ اتىنداعى مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەننەن كەيىن شقو «كوممۋنيزم تۋى» گازەتىندە ادەبي قىزمەتكەر, ءبولىم مەڭگەرۋشىسى (1951-59), قازمۋ-دا اعا وقىتۋشى (1959-63), قازاقستان كومپارتياسى ورتالىق كوميتەتىنىڭ اپپاراتىندا نۇسقاۋشى, سەكتور مەڭگەرۋشىسى, ءبولىم مەڭگەرۋشىسىنىڭ ورىنباسارى (1967-71), قازاقستان باسپا, پوليگرافيا جانە كىتاپ ساۋداسى ىستەرى جونىندەگى مەملەكەتتىك كوميتەتىنىڭ توراعاسى (1971-86), قازاقستان عىلىم اكادەمياسىنىڭ م.و.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى (1986-1988) قىزمەتتەرىن اتقاردى.
ش.ر.ەلەۋكەنوۆ تاريحتاعى «اقتاڭداقتاردى» جويۋ, ۇلتتىق ادەبي مۇرانى تۇگەندەۋ, بۇرىن ۇلتشىل اتانعان, ستاليندىك قۋعىن-سۇرگىنگە ۇشىراعان اقىن, جازۋشىلاردىڭ شىعارمالارىن قايتا قاراپ جاريالاۋ جونىندەگى ورتالىق كوميتەت قۇرعان كوميسسيا توراعاسىنىڭ ورىنباسارى رەتىندە شاكارىم قۇدايبەرديەۆ, ماعجان جۇماباەۆ, احمەت بايتۇرسىنوۆ, مىرجاقىپ دۋلاتوۆ, جۇسىپبەك ايماۋىتوۆ سەكىلدى ساياسي قۋعىن-سۇرگىن قۇربانى بولىپ, زاڭسىز ايىپ تاعىلعان اسا كورنەكتى اقىن-جازۋشىلاردىڭ اسىل مۇراسىن حالقىنا قايتارۋ ىسىندە ۇلكەن ءىس اتقاردى.
الماتى
