فوتو: azattyq-ruhy.kz
ءمينيستردىڭ ايتۋىنشا مۇنىڭ بارلىعى بيۋدجەتتىڭ مۇمكىندىگىنە بايلانىستى.
«بىزدە الەۋمەتتىك پاكەتتەر بويىنشا وزگەرتۋلەر كۇتىپ تۇر. ول بيۋدجەتتىڭ شىعىن قاراجاتىن قاجەت ەتەدى. ءبىز وعان بيزنەس-پروتسەستەردىڭ ترانسفورماتسيالانۋى, تسيفرلانۋى, مەملەكەتتىك ارتىق قىزمەتتەردى قىسقارتۋ ارقىلى كەلە جاتىرمىز. سودان كەيىن بالالارعا شارتسىز تولەم جاساۋعا كەلەمىز. قازىر بۇل شەشىمدى قابىلداساق, سالىق تولەۋشىلەرگە اۋىر بولادى», دەيدى سۆەتلانا جاقىپوۆا.
مينيستر اتاعانداي, بۇگىندە الەۋمەتتىك بيۋدجەت 6 ترلن تەڭگە, ول بيۋدجەتتىڭ 38 پايىزىن قۇرايدى. ال, ەلىمىزدە 5 ملن بالا بار, تولەم جاساۋعا 3 ترلن تەڭگە كەرەك بولادى.
«بىزدە ونداي مۇمكىندىك بار ما؟ بۇل سالىقتى 10 پايىز ەمەس, 20 پايىزعا ءوسىرۋ كەرەك دەگەن ءسوز. ءبىز وعان دايىنبىز با؟ قازىر جەرگىلىكتى دەڭگەيدە باعدارلامالار كوپ. بيۋدجەت بويىنشا اۋديت وتكىزگەندە جاردەماقىلاردىڭ 144 ءتۇرى بار ەكەنىن انىقتادىق», دەيدى مينيستر.
Azattyq-ruhy.kz-ءتىڭ اقپاراتىنا سايكەس بۇگىن ءماجىلىس دەپۋتاتى گاۋحار تاناشەۆا جالپى وتىرىستا ءار بالاعا 70 مىڭ تەڭگە كولەمىندە مەملەكەتتىك جاردەماقى تاعايىنداۋدى ۇسىنعان.
